9 Feb 2011
Liverpool John Moores University ai Public Health in tun naai ah zingzoihnak bawn ai, tleirawl naupang te heh tlawng ah le innsang ah hiam ti lo lekhaw zu le nupang-pasal lamah tlaan thu phuang i.
“Naupang kum 13 mi te zu ding lekhaw nupang-pasal lam heh a tam sawnin daai de i. Zu ding tam lekhaw nupang-pasal lam khai daai tete de i. Ciamaanin Zu le Nupang-Pasal lam leek hlir tuh lo ai, innsang lam le tlawng lam ah naupang te thinlung umdaan heh ling kuul i” tiin Mark Bellis in reel i.
“He bang naupang te heh nupang-pasalhnak lam urhawmhnak te le nupang te khai naupang niuin nau nai de ai, amah te nunhnak ca laukuul ngai i” tiin Bellis in reel i.
“He zingzoihnak in ciang ngaiin kin lingruaihnak tu, kilkhawl roh kuul naupang te ca tun ai tlawng le innsang lam pehpuidaan hmangin kilkhawl tuh harsa i” tiin reel bet i.
He zingzoihnak heh BioMed Central ai Substance Abuse journal ah aaphnak i.
Web Admin