To,
Siartu phunpuite,
18/04/2013 (Thursday) nia CDU in Community leaders te meeting ko hnakah Refugee in USA hleng zo te ca thuthangpha kin rel ii.
Refugee in USA hleng zo ten, mah nu leh pa rori, innsang leh fate, kum 21 khimlai lo, nupui pasal nai lailote ko thil i hang. He mi programme hmang ai mah innsang leh fate ko hiam tute ca a hnia ai te ling tek kul ii.
Refugee in USA hleng zo, mah innsang, nu leh pa leh fate ko hiam te ca form fill up kulhnak um ii. Cia mi form heh Affidavit Of Relationship (AOR) tin ko ii.
P3 programme heh October 2008 ah USA acozah in thudawnrelhnak leh dik lo tam ze man lo khaam zo ii. Inapui khaw 15 October 2012 nia panin daan thar te bawn ai hong sal zo ii.
1. Aisu in ko thil? Aisu te ko thil?
a) Refugee in USA hleng zo, a hleng nia pah kum 5 songan ko thil ii.
b) P3 ngensaktu heh USA hleng zo i tuh ai, kum 18 khim tek kul ii.
c) Nu leh pa rori, nupui pasal leh fate kum 21 khim lai lo, nupui pasal nai lai lo te ko thil ii.
d) Unau suahpui kum 21 khim lai lo, nupui pasal nai lo lai, nu leh pa te thawn um tlang te lek ko thil ii. Unau te lek ko thil lo. Nu leh pa te khai ko tek kul ii. Nu leh pa nai nawn lo le khaw ko thil cuang lo.
e) Nu pui / pasal / nu leh pa te ai fa ken, kum 21 khim lo, nupui pasal nai lai lo te khai ko thil ii.
g) P3 programm in USA lut hiam/vai hiam te heh USA acozah in Refugee tehfung a naihnak thawn ai bangdunhnak, lungkhimhnak te ian lut thil tuh ii
h) P3 ai luttuh te heh Kawlram leng ah um tek kul ii. Kawlram ai umte ko thil lo ii. Santehhnak ah – Malaysia ai um songkhat te. Malaysia ai nupui/pasal, fate, nu leh pate.
2. AOR kom tin bawn ang?
AOR heh USA ai resettlement agency te hnenah app thil ii. P3 leh AOR ngensak tu heh USA ah um tek kul ii. Santehhnakan – Malaysia ai um te in AOR leh P3 ngen thil lo. USA ai songkhat te lek in ngensah thil.
2. DNA test kul awm? Kon tin bawn ang?
DNA test teng teng kul ii. DNA test heh a ngensahtu leh a ngenhnak te hmuah in bawn kul ii. DNA test man heh US$ 400-5000 dung bo thai ii.DNA test heh USA acozah in lingpuihnak AABB lab te lekah bawn thil ii. DNA test dik/bangdun fang lek in USA aoozah in DNA test man heh rul leh tuh sal ii.
3. AOR i ngen fangin thudik lo, thudawn rel selai tang?
AOR leh P3 ngen thu ah thudik lo, thudawn rel hnak tawk le khaw kum 5 thawng to / tangka US$ 250,000/- liam kul thai ii. P3 programme heh USA acozah in innsang kawmdun salhnak/tawkdunsalhnak tuh ai bawnhnak i leh, thudawn/thudik lo rel te heh daan bang in roh ngai in hremhnak tawk thai ii. USA Green card te leh Citizenship ngenhnak thu ah khai thubuai um thai fawn ii. Green Card nai zo leh Permanent Resident nai zo in khai USA ram song ah hnawnthilhnak um thai ii.
P3 heh Refugee in USA hleng zo tute ca thil pha ngai ii.
Inapui khal khaw kin ling kul hnak tu thudawn rel tuh lo, Refugee kin lut lai ai innsang cazin kin relhnak te thawn kaihdun ngio kul ii. Refugee lut lai ah innsang nai lo, fa nai lo, cia lo le khaw a ngai ngai ah tu fa 3 nai ai, Refugee lut fangin pa 2 lek nai tih bang thunawk nai te ca ralring kul ii. Ngen lo pha sawn ii. USA feh hiam ti menma man, mah fa ilo, unau songkhat fa te khai mah fa bangin ko tum hla sing. Nupa te ca khai kin fate heh kin mah songsuak rori i leh i lo khai lingfiam kin kul ii. DNA test ah tu zawl dun thil lo ii.
Santehhnak ah – nupa 1 um ai, a nupui in fa lo pawi ii. Inapui khaw, a pasal lin lo ah a nupui heh mi dang thawn lo iitkawm de selai. A pasal hnenah tu rel bul lo selai. Cia a fa suakhnak heh DNA test fangin nu leh pa ai DNA thawn bang dun maw bangdun lo ti fiang ngai in lin thil ii. A pasal in i fa rori i tin el li man um tuh lo ii.
Ang ngai.
Kin miphun ca phathnakhnak um tuh daihsahhnak thawn
—
From,
Salai Thian Ro Uk Lian
S/O Ngun Sang
info