USA Today: April hla song heh USA ram ziatlam (Northern) heh khua dap meng ai ni pha ngaiin hmu loin Rokies an Midwest ram lam tian in mi tam ngai umh ii. April hla song ah USA ai khua tam ngai ah vur tlok ai Rockies le Midwest saklam heh vur in buai ber ii. USA ai Rapid City, S.D.; Duluth, Minn.; le Boulder, Colo. khuapui te pawl in April hla heh hla dang hnak tah vur tam ber ngah ii. April hla song ah USA ah vur heh vai 1,100 hnakin tam sawn tlok ai khua dap ze hnak heh April hla song tho tho ah vai 3,400 record nai ii. April hla heh heh tunhlan ah khua lum de hnak inapui khal khaw tun tum tu vur tam ze maan danglam roh ii.
April hla song ah Duluth, Minn., khuapui ah vur heh 51 inches (130 cm) tian tlok ai tunhlan ah tu a tam ber ah 31.6 inches (80 cm) tian tlok de ii.
Hetih hlaihlawr in North America khuamual ah vur tam in khua a dap hnak san ber heh Jet Stream tiin kohnak hlivua maan ti ii. Jet Stream hlivua in North America khuamual ai veilam Mexican ramri lam tian in hlivua dap hleng ben ai khua dap ii. He hlivua in Pacific tipuithuanthum an ti tam ngai keng le Rokies ram nisuaklam tian in hlen pui ii.
Hetih bang ai hlivua merdan danglamhnak maanin kin lailung ai ziatlam ram heh hetin khua dap le vur tam ai khal caan khai umh tuh lo tian in dap meng ii.
info