Laicianghlim Thu Hla Tem Neu
Laicianghlim ( Bible ) kin ti hnak heh zai ipa ti tem neu ngan i hiam ve ii. Zai man he thu heh ngan i hiam ti fang in mi tam pui in khawm hmun ah khai i tu seh laicianghlim hnak in labu he keng kin tam sawn de ii. He mi thu te i ling i hmu fang in laicianghlim heh zai tluk in kin hrang ah thu pui ai kin kul i ti heh a ling fiang de lo man i tuh i sing tin ruat de ing.
I le Laicianghlim ti hnak tu zai tu i pa?
Laicianghlim heh Pathian pon kam i. A ngan tu heh kin sik fang in pazai in ngan ti heh a fiang neu in ling ciang hnak om lo man in 40 vum dung in ngan hnak i tin heh mi hmuahhmuah in kin pom hnak ii cia bang pah in a ngan kum khai ling fiang hnak ngaingai om lo man kum 1500 vum rai tin mi hmuahhmuah in pom hnak thotho ii.
Tunnia ah lailung vum kin sik sal fang in Biak Hnak ( Religions ) ti hnak tam ngai om i hang cia lak song ah Christian khai biak hnak pakhat ve i sing. Biak hnak dang te khai kinmah Laicianghlim kin nai hnak bang in amah te in ai Pathian thu ngan hnak lai te nai sek ve ii. I na pui kin laiciaghlim thawn a dang dun hnak tu mirang in ( predict ) ti le a cang tuh lai a kawi tuh lai hnak rel cia ti hnak i ai cia heh biak hnak dang ten nai ve lo ii.
I napui kin Christian te ai kin keng hnak laicianghlim tu minung te he a kon an kawi ai a kon ah feh leh tuh zai kin cang leh tuh ti te a liam cia caan le a kawi tuh lai caan thu te a vek sen in kin rel ii. Zai man mi tam pui in laicianghlim heh siar kin zuam de lo i ti i ruat fang in laicianghlim ai a thu pui zia le a man nai zia a hmang tang kai zia zai zong za kin rel tu i ti heh ling fiang de lo man i sing.
Kin laicianghlim heh i ruat de fang in lung I khim lawmlam in kin hrang ah a thu pui ngai kin kul ber hnak Pathian ai laksong kin pe hnak ro song lawi ber i tin ruat ing. He mi lai ciang hlim in fim hnak kin pe ai khrih Jesuh songah kin sang hnak in O hnak kin pe fawn ii ( 2 Timote 3:16 ).
Saan pathum nai sing ai Pa leh Fapa leh Ciangrauhla san ii Pa san tu liam zo ai Fapa san khai laim zo i hang tun heh ciangrauhla saan ti i sing. Pa saan lai ah tu amah Pathian rori in profet te hmang in a mah minung te thawn pawlkom dun hnak nai de ii cia bang pah in Fapa san ah khai a mah thawn rori in pawl kom dun hnak nai de ii.
I napui tun ciangrauhla san ah tu profet te khai om lo hang ai Jesuh khai mit in hmu thil lo hang i sing cia tih i napui khaw a thuhla le zai zongza a thu hla te heh tun ai kin keng kin nai hnak Laicianghlim a vek sen a famkim neu in kin rel sio ii. ( 2 Timote 3:16 ) sik in siar sal le sing khaw He mi laicianghlim heh thu cuuk duun hnak, a mawh te tiam hnak le a khelh te remsah hnaak le nun cuuk hnak ah pha ii ti thu hmu i sing. Laicianghlim heh kin O tu Jesuh ling menma ai kumkhua nunhnak lek kin pe tu i lo ai zai zong za kin zirh tu kin rel tu laicianghlim ii.
Lailung vum mifim mi hming thang kin ti hnak American hoi tute in Laicianghlim heh a kon tin hmu pa ve ti tem neu sik tlang nga sing.
1. George Washington
Laicianghlim leh Pathian tel lo in lailung vum heh hman ngai in uk thilh lo lawlaw i tin ti ii.
2. Abraham lincoln
Minung hnen ah laksawng pha ber Pathian ai kin pe hnak tu a mah ponkam Laicianghlim ii tin ti ii.
3. Noah Webster
Laicianghlim om lo selai zirhnak ti hnak heh a man zi khai nai tuh lo ii. tin ti tlawng ii.
He bang te kinsik fang in lai cianghlim heh kin hrang ah zai tluk in thu pui ai pawimawh i ti heh fiang neu in ling thil i sing. U le nau kin kin hrang ah tang Laicianghlim ti hnak he zai hnak hrang pha ve ni raut aung de aw sim? He thu hla fiang neu in ling le si na laicianghlim sabuai vum ah pawl roh in na dah hnak he thiang hlim neu in dah in siar na zuam tuh tio de ii. Kin dung 2010 khal tlawng pit teng kin khua kin Zanniat ram ah Thawm lian te u nau thawn Pathian thu phuang kin vak fang in Laicianghlim ti hnak heh zirh dun ai zawt dun leh sal fang in a hrek khat in Laicianghlim tu I hrang ah Hlalang i ti ai a hrek khat in tu kin innsang kong kin hoi tu i ti le hrek khai in nun kin zirh tu i tin a phunphun in co hlang tlang le tam ngai tha zang ngah i ing. Hlalang ing kin ti fang in minung te hlalang ah kin hmel sik dun fang in zai bang i sing i hmel zai bang i kai heh zai bang hmel pu ing ti heh ling dun i sing cia bang pah in Laicianghlim kin sik leh fang in kin heh zai bang mi nung ai a kon an kawi leh a kon ah feh tuh sal i sing ti in kin i hnak hmuahhmuah kin rel ii. U le nau na laicianghlim heh tun na hrang ah zai tu i pa pha neu in ruat sal nga sing?
Daih sah hnak ngaw pui thawn
Salai Van Bawi Thang
Chennai