July 3, 2013 nia ah USA ram ai Mississippi run tipui song ah a thi cia nga ton 80 khul suak ii.
Mississippi tipui heh ti song ai algae tiin kohnak hampa bang pawl heh pung ze ai, tipui heh thisan bangin san ruai ben le ti song ah oxygen tlawm sek ai nga le ti song ai nunghing pawl haihawh pha nai loin thi ciamco ii. Tipui song ai algae te pawl heh tipu vum ai hlivu a zuanghnak in tipui hnia lam an a vum lam ah hleng ai tipui danglam ruai berh ben ii. Hetih bangin ti song ai algae tam ze ai karhzarhnak heh Red Tide tiin ko ii.
Tun tum Mississppi tipui ai Red Tide heh Cat Island tihnak tikulh ram an mile 3 tian Beu Rivage hmun tian tipui heh a san in tuam berh ii.
Photo: 2005 kum ah tipui heh thisan bangin a cang lai zuk
Hetin tipui thisan bangin cang kio hnak maan thawng tam roh ngai thi sek ai, kaikuam te pawl khai ti vum ah laang lianglo ii. Tipi ai nga le nunghing thi te pawl heh uih hlan ah thunaitu te pawl in ti song ai khul ai ton 80 vum khul suak ii.
info