Fri. Apr 4th, 2025

July hla song ah Malaysia acozah in a ram song ah napertu permit nai lo te khiah minung 2 million tian permit pe tuhin lungkhim zo thu acozah lam senior officer 1 in June ni 9 nia ah phuang i.

He thu phuangtu heh Home Ministry deputy secretary-general Raja Azahar Raja Abdul Manap i le acozah in daan loin napertu te umzat ling ciang tuhin tuh pah buaipui ti i. Hetih bang ai tawlrel hnak maanin Malaysia ah napertu nai lo te, ramsong himhnak lam le mi paai te khai zia ruai tuh uumhnak naitlang i.

Acozah lam in tun teng ah Malaysia ah permit nai loin napertu minung 2 million dung um tuh ti i.
Tun bang ai permit nai lo te permit pe tuh heh tun hla song ah Cabinet ah reel tlang tuh ai July hla pan in nung ruai tum i.

Hetin Malaysia ah permit nai lo te ca permit bawn sah hnua ah acozah in permit nai lo te tuh roh ngai in sii tuh le daan loin um te heh roh ngaiin daantat tuh thu Home Ministry deputy secretary-general in phuang i.

Malaysia ah napertu 12 million lak songin daan bangin napertu heh 2 million dung um i. He ram ah napertu heh heh a tam ber tu he ram hiang ai Indonesia, Bangladesh le Burma (Kawlram) i.

Related Post

Leave a Reply