Pope Francis in acozah dan in laivum ah mipui veksen ca naper awl nia i tuhin hma lang tuhin phuang beet ii. Naper ian in caan bo te ca naper awl nia nai tuhin daihsah thu rel ii.
The New York Times in Pope Francis ponka hetin hlat ii: “Naper heh kin tlanglengdaan i bangin naper awl khai daan in kin kul ii. Veksen huap in rel le singkhaw mi in awl caan nai tuhin na per kuul ii, a unau songkhat thawn tawkdun tlang tuhin, mah niu in hiam ngaiin umh tuhin, laa le musice te ngai tuhin, sal tuhin. Inapui he heh siatsuahin umh zo ii, hmun tam sawn ah, Sabbath tihnak naper awl nia heh lon in umh zo hang. Mi tam sawn in Sunday nia ah laivum dinhmun ah zuamdunhnak roh ze hang maan na per sek hang ii.”
Pope in 2012 kum song Italy ai Milan khuapui a tlawn fangin khai vai tam ngai Sunday nia ah naper awl tuhin rel ii. 1998 kum ah Pope John Paul II in khai Sunday nia ah naper awl tuhin phuang ve ii. “Mi veksen in Sunday nia heh a thar in hmang leh tuhin ning ling ruai ing.” ti ii.
Tunhlan ah Jews miphun te pawl in ni songlawi le cianghlim ngaiin hmang de hnak Sabbath nia heh Catholic Bishop of Rome, Sylvester I (314-335 A.D) in 321 AD ai Constantine the Great in Sabbath tihnak Sunday tiin thleng tuhin a bawnhnak lungkhimpui awng ai tunnia tian Sunday tihnak umh ii.
info