Moei tipui ah ti tam ze in tilian in hiang ciingkim buai ruai ai Kawlram ramri ai khuapui Myawaddy ai tian in ti in dim le inn 5,000 dung buai sek ii. Karen State ai minung 25,000 dung in inn nai loin vakvai in umh teng ii.
He hmun ai thuhla reldan in tilian heh ruah si meng lekhaw a laukul tuh sinsin ti ii.
Cat loin ruahsi maan tilian in Myawaddy khuapui ai Section 1, 2,3 le 5 te pawl roh ngaiin ti in buai ruai sek ii. Myawaddy khuapui ai Section 4 hmun tu tun tian tilian in buai lai lo napui a khuapui a hrek dung tu tilian in dim hang ti ii.
Acozah lam in mipui te bawmhnak tuh camp hmun 13 dinh ai tilian in harsa tawk te pawl khai a hiang ai phungki tlawng, – Tawyakhaung, Kyakettaw, Monkhaung, Kyaukponegyi te bang ah umh thil tuhin hong sah ii.
Acozah le mipui lam tangkopin tilian in harsa tawk mipui te pawl khiah faang dip, ti ding pha le ai pha thildang te pawl thawn bawm tlang ii. Mipui in rong le ti dingpha tlasam ngai ti ii.
info