Kawlram acozah in Shan State Army (SSA) le United Wa State Army (UWSA) ram song ah ralkap tam sinsin in kuat ii.
Kawlram acozah thawn SSA le UWSA in remhnak laai a ngan tlanghnak bang i loin tun heh Kawlram acozah in he ram ah acozah ralkap tam sinsin in dah ii.
SSA ai liaison officer Maj Naw Lake in tun naai ah Tangyan peng Salween tipui hiang lam Loi Khawk tlang ah Kalram acozah in motor 6 thawn ralkap 30 dung a thar in hleng ti ii. Monghsu peng ai Loi Khio khua ah khai motor tam thah hleng beet ai tawngdunhnak hleng tuh lau in mipui te a thin hiam lo ngai ti ii.
28 January 2012 kum ah acozah thawn remhnak bawn zo napui SSA le Kawlram acozah in thupruk in tawngdun betbo de ii.
Kachin Independence Army (KIA) le Ta’ang National Liberation Army (TNLA) te umhmun ram ah khai Kawlram acozah ralkap tam sinsin thu Tangyan lam tian in hleng betbo ii.
Hetih lai teng fangin acozah in Panghsang, Wa headquaters hnen ah acozah hnen ah siah pe kul loin vaak thilhnak Wa ram ziatlam le veilam ai motor number te pawl pe sek tuhin ngen ii.
info