USA ai Presbyterian Church khai Presbyterian dang te thawn bangdun in Liberal lam sawn hlun zianzo hang ii. Tunnai ah pawlpui in Pathian Labu song ah “In Christ Alone” tihnak la heh telh tuh lungkhim lo ii. He laa a daih lohnak ber tu “Till on that cross as Jesus died/the wrath of God was satisfied.” tihnak “Cross vum ah Jesuh a thi hnua ah Pathian ai thinrawhnak nem ruai ii” ponka heh a lungkhim tlang lo ii.
httpv://youtu.be/5mPrqltkJyw
Presbyterian Committee on Congregational Song (PCOCS) tihnak pawlkom heh Presbyterian Church (USA) ca labu ah la thar thun tuh fangin relcattuber ii le cia pawlkom ai hotu Keith Getty le Stuart Townend in he la ai ponka niu heh “as Jesus died/the love of God was magnified,” tiin thleng hiam ai he la phuatu Keith Getty (Northern Ireland) le Stuart Townend (England) te in lungkhim lo ii. Presbyterian labu thar ah he la telh tuh maw tihnak thu heh pawlkom in vote lang ai Committee ah vote 9 songin 6 in Hymn labu songin lon tuhin lungkhim ii.
He la song ai “wrath” tihnak “Pathian ai thinrawhnak ponka” heh a daih tlang lo ber ii. Hetih bang ai a ruathnak heh mi tam sawn in Pathian heh thinraw thai, daantat thai tihnak daih lo ai, iithnak in dim tihnak lam ian daihtu tam maanin tiin mithiam te hmudan umh ii.
info