Tun heh Japan ram ai nikum hmasa lam ai Fukusima Nuclear ceet puak hmun in suakhnak, nuclear daat (Radioactive) telhnak ti heh Pacific tipuithuanthum song ah tam ngai lut teng ii ai hetin a luthnak heh kum 2 i zo hang ii.Tritiuam, Cesium le Strontium daat te pawl heh he Nuclear ti (Water) song ah tel ai cia te pawl heh tikhu ah tel zianzo lek zolo laivum tipui ah lut zianzo ii. A hlaice in USA ram nitlak lam tipui kap ai te in tipui song ai nga ai lekhaw cia song ah radioactive tel ai rai roh cetin taang meng thil ii. Tun hnua kum tam ngai tian Pacific tipui song ai radioactive thil umhnak maan minung million tam rohin nunhnak ah harsahnak tawk zianzo tuh lai ii le mi tam sawn in zaiman hetih bang ai nun cak lo hnak tawk thil tihnak ling lo thai ii.
Japanese acozah in Fukusima ai nuclear ceet kilkhawltu Tepco company heh tun bang siattawkhnak ah rai ngai rinsan awng napui Tepco in a thil bawndan heh laivum tipuithuanthum ngaw roh Pacific song ah tun bangin nuclear ceet an suakhnak radioactive ti heh tipui ah a laukul rohin lut tihnak tun fangin acozah in ling maan mangrau ngaiin ralringhnak thu (Emergency) suah ii.
Tun ai radioactive ti suakhnak heh acozah dan hnak tah tam sawn ii tiin Nuclear Regulatory Authority (NRA) ai hotu Shinji Kinjo in Reuters thuthang hnen ah phuang ii.
Tun ai tipui song ah nuclear ti a luanng luthnak heh tam roh ii. Fukusima ceetzung hnia lam an nuclear ti heh nisiar 400 metric tons lang suak ii tiin Yahoo thuthang in phuang sin ii. He ti heh nuclear ceet sa ze hnak 100 degree Celsius hnia tian dap ruaihnak in hmanghnak ti ii ai nuclear ceet puak fangin cia ti ah nuclear ai daat laukul roh radioactive te pawl tel sek ai cia ti heh Pacific tipuithuanthum song ah lut ii.
Tepco company in cang thil tawpin nuclear ti heh lailung hnia ti thawn roih tuh loin rai ngai zuam napui hlawhtling lo ai tun heh Pacific tipuithuanthuam song ah luang zo hang ii. Tepco in tipui song ah lut lo tinpui tuntu eel ben lo hang.
Tepco in Aug 2, 2013 nia ah tipui song ah radioactive ti heh 20 trillion an 40 trillion tian lut tuh zo hang tiin phuang ii.
Hetin Fukusima nuclear ceet in Pacific tipuithuanthum heh tur (Poison) ah kin cang sah kio i hang.
source: http://thetruthwins.com/
info