Chin State ai veilam Paletwa Township song ah Sami sub-township thar dinghnak Chief Minister Pu Hung Ngai in June 7 nia ah hong ii.
He sub-township thar dinghnak puai ah U Kyaw Ngei (Minister of Energy, Mining and forestry) le acozah mipoimawh dang te khai tel tlang ii. Tun ai Sami sub-township heh a kau lam Area 3127.04 square miles tia ii ai Paletwa Township song in ukhnak a ce in thunaihnak nai hang ii.
Tun heh Chin state ah Township 9 umh ai cia song ah Sub-township heh Cikha, Rih, Rizua le Sami ah umh ii. Tun teng ah Matupi Township song ai Lailenpi khua in khai Sub-township ngah tuhin acozah hnen ah ngen teng ii.
Hetin Sami in acozah lam ah ukhnak thar a nai pan hang maan amah niu in ukhnak lam ah a kilkhawl ben hlan song heh Paletwa in tawlrel sah tuh ii. A rai hlan ah Fimthiamhnak zirhnak lam, Nuncakhnak lam, Palik (police) khai a rai hlan ah nai vual tuh ii.
Chin state Chief Minister Hung Ngai in Kyat 4 million heh Sami sub-township song ai Michaung lai (bridge) bawnhnak tuhin sumpai pe ai he lai in Paletwa le Sami sub-township karlak pehzom ii. Mipui te hrang Kyat 3 million khai Chief Minister in harsa bawmhnak in pe ii.
info