Kawlram President, Thein Sein in kum 2015 election ah President cuh tuh nawn lo thu USDP in 24th OCt 2013 ah phuang ii. Thein Sein heh ramdang acozah te’n ram phathnak bawnhnakthu te, thawngto suakruai hnak te leh ramsong ai tawndunhnak thu te ah pawrh ngai napui, kum 2015 election thu ah tu mipui ten ai daihnak thu leh a nuncakhnak thu te ah thum tuh thu kum hmasa ah phuang awng ii.
Parliament ai Speaker leh USDP konghoitulu Shwe Man in President U Thein Sein in president cuh tuh nawn lo thu i rel tin pawngsuak ii. Thein Sein in a ponghnak heh thungai i tuh thu leh election ah tel tuh nawn lo thu khai phuang ii.
Shwe Man heh Ralkap acozah ukhnak san lai ah Thein Sein ta hnak an rank niam sawn ii. Shwe Man heh ram fehdan thleng daihtu, ralkap te thawn rualpha ngai leh Daanbawntu (Lawmakers) te ai kihzah hnak ii. President a i hiamhnak khai thup li lo ii. Tun kum panin USDP konghoitulu ah Shwe Man i pan ai, tun teng ah Daanbawntu (Lawmakers) 108 ten kum 2008 ai bawnhnak Daanpui heh siiksal teng ii.
Laivum lin, Noble cawimawihnak ngahtu, Aung San Suu Kyi khai heh kum 2015 ah President cuh tuh ve fawn ii. Inapui Daanpui songai “Nupui/Pasal leh fanau te’n ram dang ah Rammi ihnak (Citizenship) nai tu um le khaw Preseident ah ril thil lo/cuh thil lo” ti hnak daan heh lawn hmasa lo fangin tu Suu Kyi ca beiseihnak um tuh lo ii.
Shwe Man in “Than Shwe in thilfehdaan sualtuh lauthu leh ramsong ai danglamhnak te siik li ii. Than Swe in politics ah teltum hnak nai lo ii. A tel hiam ta in khai a ngai ngai in thiltuh lo ii.” tin pong suak ii.
(Source – Reuters)
info