India leh Burma ram te pahnih karlak dinhmun pha tuh sawn hnak ca International Bus Service heh 10 Nov ah um pan tuh hang ii. India acozah in Saklam ram te siikhnak policy (Look East Policy) a bawnhnak ah China ram in Burma ram songah thula neihnak tem tete tuh hnak ca ii.
He mi heh Laivum ah a hmasaber International Bus Service i tuh ii. He mi Bus service heh Burma ram song, Myeik Township, Tanintharyi Division in pan tuh ai India ram Imphal, Manipur State tian i tuh ii. Yangon Air Bus Association in pervo lang tuh ai zarkhat ah vel 4 fehtuh ai, bus pakhat ah minung 36 to thil tuh ii.
“Indian Embassy thawn rampahnih karlak ah bawmdun tuh daan leh rualpha i tuh hnak ca bawnhnak i sing. Sumpurhnak lam ca bawnhnak i lo i sing” tin U Thar Naing, Chairman, Yangon Air Bus Association in phuang ii.
India ram Lower House of India’s Parliament ah Burma ramsong ai lamkhung bawnhnak thu te zawthnak um fangin India acozah ai Ministry of External Affairs in “India acozah in India ram leh Sount East Asia ram te pehdunhnak leh zawmdunhnak heh thupui ngai in haih ii” tin phuang ii.
India leh China ram pahnih te heh South East Asia ram te ah pehzomhnak pha tuhhnak an sumpurhnak lam leh lamkhung lam te tihbang ai eldun ngai ii. India acozah in Burma ram songah lamkhung project heh Trilateral Highway, Kaladan Multimodal Transit Transportation Project leh Rhi Tiddim Road Project tin lamkhung project pathum ruathnak nai ii.
(Source – The Epochtimes)
info