Ukte heh Malay a om hnua tu rei thah zo na pui, Malay ram songah nii tla (sun set) lai caan neu hmu awng ngelkher lo ii. Zaima’n ii ni, a konah om de ii ni, Zaima’n Kawlram a om lai tu nii suak( sun rise) mawi ngai kha hmu ttio de ai nii tla (sun set ) caan neu ai thinhiam neuin a om lai caan te ruat de fangin a lungsia ngai de ii ??? Vaikhat tu ciami thu te a ruat li lai caan ah Alam Jaya, Cheras (Malaysia) ah, a songkhat te ron tlawn tuhin a feh lai caan ni 24/06/2011 nia ah Bus thawn feh ai, a tawk tuh ring ngal lo hnak a rualpui minung pahnih te kha,cia a to hnak bus ah to ve tthiah ai hnuksat dun ii. “Ning tu kontiin he ta ah lo hleng ve i pai si?”ti dun ai, tundung tang naper ning remcaang awm tiin zawt dun kongin. Aih aih! Naper si i na ing maw, ni-puinia off thil hmun naper om le kin reel tu vual ih tiin ani te khai a feh tuh hmun a inn lamah ron feh vek ai liam rianro ii.Ciatiin a rualpui pahnih te thawn hlum (khek) dun hnua-ah Ukte khai Kota Raya lam ron feh zianzo ai bus a dang pakhat to lehsal ii hang. Cia a to hnak bus ah fenu mawi ngai tiksa vaar tthingtthiang pakhat Talukmi kha baang lawn, Laimi kha baang lawn hmu fangin a thinlung ai a tuar daan heh… Hlanlai a rualpui nu kha baang thahthah , ii hlong lo, pon se-lai ti le, minung tetze fawn ai pon dun tuh kha remcaang lawn si lo. Ciatihpah in Bus le feh zianzo, liam rianro ii hang. Bus songah a mit veve tawk dun de ai, khatlam her sal, sik dun lehsal, hnia khup thio, sik dun lehthio tiin a bus to hnak khai ni dang ai a to de hnak bus dang te hnakin a rang cuang bangin ling ii hang !
Ciatiin amit veve a tawk dun tengtthiah fangin a hmailam ai a hmu-hnak tu Nii khum dawn neuin a omhnak a ralkhatlam ah a hmu fangin Ukte thinlung tu a uai sengso bangin ling dun ii. Busto hiam (nuam) ngai a ti laitak ah a hleng tuh hmun bus station hleng hang ma’n bus an zuk tolh ai, cia a to hnak bus kha feh in liam rianro ii.Cia mi nii a lamdanghnak tu- Nii heh a tla banghma lekin hmu lo ai, cia a hmu hmun heh ‘Cheras Hlanmual’ omhun tthiah ngelcel ii. “Nii khai liam ai Mihing te khai hlanmuallam ah kin liam ve de ii khaw ee,” tihnak thu te a ruat fangin a thinlung songai a tuarzia heh Ukte mitthli far thlurhthlo kongin kin nunhnak papar neu bang mawi sirser khai zai cam lo neu ah paai lehsal de ii ang maw tiin ruat li kongin cia fenu mawi neu khai bus to in a feh tuh hmun lam tluanah lo liam rianro ta hang ii ! Cia Ukte in a hming le ling lo maanin Liamte tiin a hming lo phuah sah vek ii. Tunziing ai papar mawi neu zaanlam ah uai rianro! Aw a liamcia caan ruat kongin hmailam tikcu & caan hmang thiam tuh in !