Taiwan acozah in a ralkap te heh Spratly tikluh hmun ah omhmun nawrtete ii. China in he mi tipui thubuai ah roh tete in nawrhnak man Taiwan in khai Spratly tikulhte ah a ralkap te haih ve hang ii.
Taiping Tikulh (Itu Aba tin khai ko pah) heh Taiwan ram hlang lam 994 miles hla ah umhnak i ai, Spratly Tikulhte lakah a ngawber ii. Spratly Tikulhte ah tikulh neu neu tam ngai um ii. He mi tikulh neu neu te heh ram pakhat lek in naitu can cang lo ai, Taiwan, China, Phillippines, Vietnam, Japan leh Malaysia te’n cuhdun ten ii. He mi tikulh te umhmun heh laipua suak thilpha te tam ngai um tuh in sang ten ii.
China ram in zinan (Oil) te phur fangin Spratly Tikulh te umhmun lamkhung ah feh tio kul ii. Taiwan acozah in China thawn raltho le khaw he mi hmun an China lawngte daih bangin kap thiltuh hnak hmunrem ii. China acozah in he mi hmunte ah thunai hiam ve ngio ii. Taiwan ram in Taiping tikulh heh laipua lamkhung in fehthilhnak um lo ai lawng in feh kul ii. Taiwan acozah in Taiping tikulh tian hleng thiltuhhnak lamkhung heh kum 2014 in bawnpan tuh ai kum 2 songah ben tuh in pai teng ii. Taiwan ram ai lawng cawlhhmun khai 1050 feet sau ruaituh ai, 45 feet in kau ruai tuh ii. Lawng ngaw puipui te hlengthil tuhhnak ca pai teng ve ii.
He mi Spratly Tikulh te cuhdunhnak man Asia lamah zaikom raltho ni maw ti ai hlir tu um liang ii.
(Source – The Epochtimes)
info