Kawl acozah in Kawlram songai acozah daihlotu Ethnic ralkap pawl 17 te hnenah tawngduntuhlohnak thu ah lungkhim tlang tuh ai rualremhnak daan bawnhnak te khiah Palaung miphun te’n daih lo thu leh lungkhim lo thu phuang ii.
November hla thar ah Ethnic Ralkap konghoitute heh Kachin ram, Laiza hmunah tawkdunhnak nai ii ai Kawl acozah thawn lungkhimhnak naituh daan thu te ruat tlang ii. 05th November ah Myitkyina, Kachin ramah Ethnic Ralkap konghoitute leh kawlram acozah in hlathnak, Minister Aung Min te tawk dun ai, kawl acozah in rualremtuhhnak thu ai lungkhimhnak lai, thu hawlpui ai nganhnak khiah Aung Min in Ethnic Ralkap konghoitute pe ii.
Ethnic Ralkap konghoitute’n kum rai ngai, mah ram te’n ah tun ai tahnak an thunaihnak tamsawn, sangsawn leh political lamah khai thunaihnak sang sawn leh mah ram suak man nai laipua thilri te mah thu naihnak hnia ah um tuh in ngen ii. Ethnic Ralkap te heh acozah ralkapte thawn bangran dinhmun haihtuhhnak thu khai tel ii.
Ta’ang National Liberation Army (TNLA) in acozah ai thu hawlpui ai nganhnak khiah daihlo thu leh lungkhim lo thu phuang ii. ACozah ai thu hawlpui ai nganhnak ah Ethnic Ralkap te’n ralthuam te hlat sek hnua fang lek in acozah lam thawn political lam ah thurel thiltuh thu um ii. He mi heh TNLA te in lungkhim lo ii. Ralthuamte hlat set hnua fang lek in Political Party ding thil tuhhnak khai heh daihlo ii.
Thein Sein acozah in kum 2012 pah in Ethnic Ralkap te thawn rualremhnak bawn pan ai tun tian TNLA leh KIA te thawn rualremhnak nai thil lai lo ii. Tih bang te man TNLA leh Kawl ralkap te heh Kutkai, Namkham leh Nansan hmun te ah tawngdun hnak um ii.
(Source – The Irrawaddy)
info