Al-Qassam Brigade te ralkap te pawl in mipui hmai ah ralkap lar ruai lai ah thu a relhnak ah Raeed Sa’ad, Al-Qassam ai comandar sang roh in Fatah pawlkom in Israel tawng tuhin ralring tuhin sawm ai, Jews mi te pawl Temple Mount ah sawngen ve lekhaw ral tho tuhin phuang ii.
Sa’ad in “Jihand le tawngdunhnak” heh amah te ca Israel tawk tuh dan ber ii ai remhnak bawn tuhin thureltlanghnak te pawl heh a takin lang pha umh lo ti ii.
He thu heh Palestinian Autority (PA) in tun naai ah Israel thawn remhnak thula rel tlang hiam loin a umh hnua ah phuanghnak ii. Hamasa pawlkom lam in PA hnen ah Israel thawn a pondunhnak heh com ruai ii.
Hmas lam thureltu Mahmoud Al-Zahar in he nia ah thu rel ve ai Palestinian lam ah thazang umh zianzo hang ai hmailam ah buaihnak umh veleh amah te lam sawnin tawng hmasa tuh ti ii.
Jews te pawl in Muslim te thawn Temple Mount ah Pathian thangphat le sawngen siang tuh ve i lekhaw Sa’ad in a ralkap Al-Qassam Brigades te pawl in Israel vum ah ral tho tuh tiin hriing ii.
Hetih lai teng ah Temple Mount Heritage Fund ai Chairman Yehudah Glick in ni 12 song ron ai loin a lungkhim lo hnak laar ruai ai Jerusalem Dictrict Police Chief Yossi Pariente in he pa heh Temple Mount ah feh siang sah ii. Glick in Temple Mount ah lut siang loin police te pawlin a san rel loin kham maanin hetin ni 12 rong uul in a lungkhim lo hnak laak ruai awng ii.
info