Kin tiksa in urhnawmhnak tawng thilhnak cak tuhin a hnia ai te pawl heh ai pha ii.
Apple ah tiksa por tuh le rong ai sual kham thilhnak nai ii. Tiksa mawihnak ca pha ngai ii.
Cinnamon (Mizo pon in Thakthing) heh raibur, khuhkhuh le hnapti/dok ur nai te ca pha ngai ii. Type 2 Diabetes ur nai te ca a tiksa ah glucose le lipids khang tuhin tha pe ii.
Hakai (Sweet Potato) ah beta-carotene le Vitamin C tam ngai umh ai cia te pawl heh khua dap ur le urhnak dang te pawl tawnghnak tuhin tiksa hrang pha ngai ii. Hakha ah gylcemic tlawm niu umh ai ri (fibre) tam ngai tel maan kin song lam pumpui ciang ruai ai song nuam ruai de ii.
Parsnip tiin ko hnak Mungla var phunkhat ah ri (fibre) tam ngai tel ai, Vitamin C, thiir (Iron) le Calcium tam ngai tel ii.
Hmakphik (Cayenne) in kin pumpui cak ruai, pumpui ah hlivua tlawm ruai, bacteria le virus pangang te pawl reek, awm lam ciang ruai ai khuadap ur te lawm ruai ii.
Maai (Pumpkin) ah antioxidant, beta-carotent, Vitamin C le folate tam ngai ii. A mu ah Zinc le Omega 3 tam ngai tel ii.
Thiing (Ginger) in dang ur, khuhkhuh le khadap ur te pawl lawm ruai ai songur lawm ruai leek zo lo pumpui cak lo ca pha ai awk suak le rong ai sual hrang ah pha ngai ii.
Khahsuat (Garlic) ah virus, paa (fungi) le bacteria te tawnghnak tel ii.
info