USA Court in Homeland Security heh “Internet Kill Switch” thu ah thula fiang phuang tuh in thupe ii. Ni 30 song can pe ai, he mi “Internet Kill Switch” thu ah phuang tuh in caan pe ii. He mi “Internet Kill Switch” ti hnak tu USA ai Homeland Security te’n rambuai caanah pondunhnak leh reldunhnak (Communications) te khamsio thilhnak ii.
Electronic Privacy Information Center (EPIC) pawlkom te’n Department Of Homeland Security (DHS) heh he mi thu ah thula fiang ngai suahtuh in Court ah zual ko hnak ii. July 2012 ah EPIC pawlkom te’n Freedom of Information Act hmangin “Internet Kill Switch” thu heh mipui lin ah phuang tuhin nawr zo ii. A ngawm ah tu DHS lam in tihbang thu um lo tin el napui EPIC pawlkom te’n roh ngai in nawr hnua fangin he bang thu heh kum 1934 dung ai daan bawnhnakah um thai tuh thu in sawn sal ii.
Internet kham thilhnak daan heh kum 1934 (Telecommunication Act) ah President thunaihnak daan hnia ah lo um zo ai, rambuai leh raltho caan te bangah Internet, cellphones leh radio te kham thil sek ii.
Section 706 ah President in rambuai caan leh raltho caan te, emergency caan te ah kul tin hmu le khaw, ram humhimhnak ca kul ngio tin hmu le khaw internet, radio leh cellphones station te hmuah kham/phit thilhnak daan um ii. DHS lam in relhnak leh phuanghnak te heh EPIC in lungkhim lo ai, heta hnakan famkhim ngai in phuangtuh in daih ii. DHS lam in el thuah ve ii. Tih bang te man in United States District Court, Columbia District in DHS te heh 12 Nov pan in ni 30 song caan pe ii.
(Source – The Epochtimes)
info