Plagiarism tu zai ii?
Mi nganhnak le bawnhnak heh mah in bawnhnak bangin hmang heh Plagiarism tiin ko ii. Laai ruko tihnak thawn bangrep ii.

Tun kin san ah University le College ah internet heh roh ngaiin hmang ai Assignment te khai internet hmangin amah te website ah kuat thilhnak hmang tam hang ii.

Tun san High School/College/University ah Plagiarism (Copy) heh a daih lo ii. Kin laai nganhnak heh mi ai kin copy-hnak i le i lo ling thil tuhin tlawng in hmanghnak website ah kin kuat ruai ai, internet in kin laai nganhnak heh midang nganhnak thawn a bangdunhnak umh maw umh lo, zaizahtian bangdun, kon website ai tihnak tian in zong thil sek ii. Kin laainganhnak heh midang in bawn ciahnak thawn bangdun ngio lekhaw tlawng saya in siik hiam lo, mark pe hiam de lo hang ii.

Ciabang te songin tlawng tam ngaiin a hmanghnak website tu www.turnitin.com ii. He website ah na Assignment thun tu lai na laai ngahnak heh kon website ai thawn zaizah bangdun te bang na phuang sek tuh ii.

Kin laainganhnak heh www.turnitin.com te bang ah kin kuat hlan ah midang ai cang thil tawpin bang tuh lovin Check kin kuul de ii.

Kon tin kinmah niu in Plagiarism check/scan thil?

Plagiarism siikhnak software le website dang te khai umh tuh napui a hnai ai heh pha ngai ii.

Viper: The Anti-Plagiarism Scanner

Website: http://www.scanmyessay.com

Download: http://www.scanmyessay.com/viperdownload_aca.html

1) Viper software download tuh

2) Setup tuh. Account thar bawn kuul ai, Username le Password nai kuul. Computer ah Internet nung kuul.

3) Kin laai nganhnak heh Document file in Viper kin thonhnak computer ah Save tuh.

4) Viper ah kin laai Document check/scan tuh lekhaw Viper software nung ruai tuh. Kin Viper Username le Password hmang kuul. +Add tihnak click tuh ai kin laai document lang tuh. Cia ben ah Scan click tuh. Viper in internet hmangin kin laai scan tuh ai a ben fangin internet ai mi in nganhnak thawn a bangdun hmun le website te pawl kin hmuh tuh ii.

5) Viper ai kin thunhnak laai heh hla 9 (9 months) hnua ah midang in siik thil tuhin Viper company te hmang tuh ti ii. A hnia ai siar thil:
http://www.scanmyessay.com/viper-use-essay.php

Viper hmangdan Youtube:
http://youtu.be/ROhtPcF_Clo

Daihsahdunhnak thawn