America am rai Oklahoma khawpui lai ai lampui hiang ah Bible song ai thukham 10 lungphun bir in dahhnak maan Satan bia te pawl in khai a hiang ah Satan lungphun dinh tuh ve ii. Thukham 10 lungphun heh Statehouse luthnak hiang ah birhnak ii.
2009 kum ah Republican party ai acozah lam daan awhtu te daihsahhnak in dinh tuhin lungkhim awnng hnak ii. Cetin nikum ah acozah hmunpui lai teng ah bir ai daanthiam te pawl in acozah daan i lo tiin eel ii. American Civil Liberties Union ai Oklahoma lam in he lungphun birhnak phaai tuhin court ah thu hlen ii.
Inapui thubuai heh Satanic Temple lam in amah te hrang thil remcang in lang kio ii. Satanic temple ai thureltu Lucien Greaves in Capital Preservation Commission hnen ah hihhlenhnak thil phunkhat Thukham 10 lungphun hiang ah bir tuh vein thu hlen ii.
Satanic Temple thureltu ber Greaves in, “Hihhlenhnak lungphun le zuk te pawl heh a mawi le pha thai berin bawn tuhhnak”. ti ii. A bawn tuhhnak heh tluanthu ah hihhlentlak amah te daan rori in Satan zuk i tuh ti ii. He Setan zuk ah Setan biatu te in hmanghnak arsi zuk Pentagram tel tuh ai $20,000 man dung i tuh ai Oklahoma acozah lam in siang tuhin um ti ii.
Thukham 10 lungphun a bawn fangin $10,000 hmang awng ii.
Greaves in, “Tun dinhmun ah Satanic temple heh mipui in hmu thil tuhin lar lo napui hetih bangin Satan zuk dinh thil lekhaw mipui mithmuh ah kin tam daan lar tuh ii”, ti ii.