Jindo, South Korea – South Korea ai ti tan hnak lawng (ferry) let man minung 300 hnak ta tam a konah um ti ling lo ai, South Korea ca aramah rualremhnak um hnua bawngsiahnak pui pakhat ii.
He mi ferry in minung 459 phur ai, Tipui Kam Kiltu (Coastguard) ten minung 164 o ben ii. Minung 2 thizo thu khai thunaituten phuang ii. He mi ferry a let fangin tisuar um lo ii.
He mi ferry heh zai man let ti heh thunaitute’n ling fiang lai lo ii. Inapui khal khaw tipui songah thilpakhat khat thawn sawhsual hnak um man i thai thu um ii.
Ferry totute rel daanah aw ring ngai, thilpuak ri bang za hnua lawng heh let thu rel tlang vek ii.
Ferry totu tam sawn heh High School tlawngta leh zirhtu/cuuktu te i ai, Seoul khawpui an 100 km hla hmun, Jeju Tikulh ah zirhnak ca khualtlawn tuh te ii.
Ferry songah mawtaw 150 um ai, mawtaw songah minung tam ngai um tuh thu khai ferry totute’n pongsuak ii.
High School tlawngta te heh Danwon High School, Ansan City ai te ii. Tlawngta te heh kum 16-17 dung te ii.
(Source – Yahoo News)
info