Poland ram khawpui, Warsaw ah Poland acozah in mip 2 pom te ii. He mi a pomhnak te in Poland acozah ai thunaitu leh thupui ngai te ai ponkam aw lo khum (record) hnak thu man ii. He mi aw khumhnak thu man Poland acozah mualpho ngai lek zolo, hliin ben ii.
Wprost Magazine cheif editor Sylwester Latkowski in he mi aw khumhnak lo hlat man acozah lamin thu zawthnak tawk te ii. He mi thu ah restaurant manager khai pom tawk ii. Poland ramah Acozah thunaitute pondunhnak aw te khum siang lo ii. Daan in siang lo ii. He mi aw khumhnak ah Foreign Minister Radek Sikorski an Poland ram in USA thawn rualremhnak man zai phathnem puihnak um lo tin pong ii. He mi ponka heh Poland ram President in thudik i lo thu in sawn ii. Cia lek zo lo, Central Bank Hotu Marek Belka leh Interior Minister Bartlomiej Sienkiewicz te’n kum 2015, Poland ram Election ah Bank in kawn tih bangin bawm ben ni tih bang thu te tel ii. Poland daanah Bank te in Election thu ah tel thilhnak um lo ii.
Polish Prime Minister Donald Tusk in tunteng ah he mi te heh a naper in com ruai lai lo ii. Inapui, he mi aw khumhnak thu ah thufiang ngai ling ngah hnua fang a kul bang in thu tawlrel tum thu phuang ve ii.
Source – The Epoch Times
info