Ukraine ramah Ukraine acozah leh Ralthotute’n rualremhnak a bawn teng ah Ukraine mipui tam ngai in Ukraine ram suahsan ii. Ukraine mi tam ngai, mawtaw thawn, thilri dim in Russia ramri lamah feh ai, hrekkhat te in Ukraine ramah pin tuh nawn lo thu rel tu khai um ii.
Mi tam ngai reldaanah Ukraine ram him lo thu leh fate ca himsawnhnak ram, Russia ah thawn tum thu rel vek ii. Ralthotu Commander pa rel danah minung 5000 te heh Russia ram lamah feh zo ai, fehtuh ai iang tu khai um bial fawn thu rel ii.
Russia acozah reldaanah hla 2 leh hrek songah Ukraine mi thawng tam ngai te Russia ram ah lut thu leh Ukraine acozah in Ukraine ram an suak hiam te tawnghnak man i thu phuang ve ii. Ukraine ramah Russia miphun/hin tam thah um ai, he mi ten Moscow thawn pehzom daih ngio vek ii.
Ukraine acozah in vanzuang leh maithal ngawpui te thawn ralthotute tawng man Ukraine ai um tu Russia miphun/hin te ang ngal lo ai, tih bang in Russia ram lam sawn ah tlan tu tam ngai vek ii. April 2014 pan ai buaihnak man tun tian minung 400 thi zo hang ii.
Ukraine acozah in rualremhnak bawntuh caan khiah 27 June 2014 tian, Ralthotute caan pe ii. Russia lam in he mi hnak ta caan rai sawn, caan sausawn pe tuh in ngen ve fawn ii.
Tun tengah Ukraine mi zaizah in Russia ah lut ni ti fiang lai lo na pui, Russia Migration Service te’n minung 90,000 te register bawn zo ii. He mi te songan Refugee ngentu tem neu lek um ai, a dang te tu Russia ah kumhlun um hiam te ciang ii.
Tih bang buaihnak te karlakah, German acozah in a ram songah Jews te sahimhnak ca kawihiam te ca lamkhung kaungai hong sah ii. Ukraine ram buai man Jews te daihlotu leh Jews te ral bang ai siik tu lo um bial ve fawn ii.
Source – The Epoch Times
info