Tun nai neu, China Acozah ai tangka te, tangka cazin cek tu ten a cek fangin tangka hmangsualhnak tam ngai tawk ii. Acozah tangka diklo ai hmanghnak leh hmangsualhnak te ah ramleng khualtlawnhnak, nunnuamhnak tuh leh mawtaw man har roh roh hmang ai khualsi hnak te man i thu tawk ii.
Kum 2013, kum bo tangka cazin a cek hnak ah, Department 38 te songan za ah 80 te’n daankalhin tangka hmang vek ii. Tangka cazin cek tu te ai tawkhnak khiah 24th June 2014 nia ah, National People’s Congress meeting ah pholang ii. He mi cazin cekhnak te songah Ministry of Foreign Affairs, Development and Reform Commission, Ministry of Education, Science and Technology Department, Ministry of Industry and Information Technology leh adang department te khai tel ii.
China Acozah ai tangka luthnak cazin songan tangka $147 million heh daanlo ai arammi te hnena’n langhnak te ii. Tangka $24 million dung heh daan lo ai tangka pe suakhnak te ii.
Audtior General Liu in kum 2013 songah daan lo ai tangka hmanghnak 314 cases um ai, minung 1100 te ai bawnhnak ii. Tun ai cazin cek ai tawkhnak te khiah Acozah lam in thupben lo hnak te ian i thu leh, a thuphnak te tam ngai um tuh thu phuang ii.
Source – The Epoch Times
info