United Kingdom (UK) songin Scotland suak tuh maw suak tuh lo thula mipui hnen an vote langhnak Referendum heh mania lam ah bawn zo Tlawngkaininga nia Sept19, 2014 nia ah daihtu le daihlotu vote phuang ai 55.3% in daih lo ai 44.7% in daih ii. Tun ai Referendum/Mipui hnen an vote langhnak heh Scotland ram ca hih hlen tlak in cang ii.
1707 A.D 
kum an U.K ram hlin rumro ruaitu heh tun ai Scotland ram U.K an suak tuh thula ii. Britain mipui le Prime Minister David Cameron in khai thincawl ngaiin Scotland ram dinhmun hlir in umh ve ii.
Scotland ai khua haam ber Glasgow ai mipui tam sawn in Suak daih ii. U.K le Scotland ai mipui dinhmun siik fangin Scotland heh U.K ai telhnak England, Northern Ireland le Wales te hnakin lian sawn ai zalen ngaiin umh hiamhnak Liberal thinlung nai sawn ii. Hetih bang ai U.K an Scotland suak tuh thula ah Britian Prime Minister David Cameron in suak tuh lovin mithli hnaphnar thawn ninghoi ngen in thu rel awng ii.
Scotland ram U.K an suak thil tuh maw tihnak ling vual hiam in vote pe zan ah mi tam ngai in zu dawr le mipui umhtlanghnak ah vote siarhnak ngaiin caan hmang tlang ii.
U.K an suak tuh lo hnak vote tam sawn thu phuang hnua ah British Prime Minister David Cameron in aanghnak thula thawn, Scotland ca tunhnak in fel sawn in le bangran ngaiin U.K ai telhnak ramdang te thawn per tlang kuul thu reel ii. Prime Minister in 2011 kum ah Scotland acozah ding ai cia lai pah United Kingdom an Scotland tel tuh lo thu suak pan fangin kham thil hlen napui zalen ngaiin thu ruat tlang le reltlanghnak heh poimawh in ruat maanin tun kum ah hetin U.K an Scotland suak tuh thula ah Scotland mipui ai vote langhnak acozah in bawn kuul in umh ti ii.
United Kingdom ram heh England, Wales le Scotland ram in May 1, 1707 kum ah Treaty of Union tihnak daan in Acts of Union 1707 daan hmangin dinh panhnak ii. 1800 kum ah Ireland ram heh United Kingdom ah tel ii. Inapui 1922 kum ah Ireland ram heh U.K an suak napui a hmai kum ah tun ai Northern Ireland ram heh United Kingdom ram ah lut leh ii. Hetin tunhlan ah he ram 4 kophnak in laivum uk ben awng ai the Great Britain tiin ko de hnak ii.
info