Tunnia October 22, 2014 Ottawa ai nazi 10:30am dung ah Ottawa ai War Museum hmai ah pakhat in rifle thawn Canada ralkap pakhat kaap ai thi cih ai cetan motor in Parliament lam ah tlan ai Parliament song ah MP te pawl meeting lai tak inn hmai ah lut in maithal in a song ai te pawl kaap pan ii. Misual in Parliament ralkap pakhat ke ah kaap ngah ai ralkap dang te thawn vai tam thah kaap dunhnak ah he misual heh a hmun ah thi cih ti ii. He thuthang suak fangin he misual heh kontih bang ii ai, a hmel le a hming te pawl phuang lai lo ii. Media dang ai mipui te interviewhnak ah he misual heh samsau ai, bawngpi pawl sil ai a hmai hup le maithal sau thawn Parliament ah lam tlang kongin kaap thu reel ii. He kaapdunhnak interviewhnak mipui te lam in hepa thuamdun bangin midang pakhat heh Parliament hiang dung ah umh ve ti ii. Hetih bang i maanin tun heh Ottawaa khuapui song ah he misual thawn naper tlang misual pakhat heh relh meng thu phuang ii. Hepa lo midang pazai umh lai tihnak lin lo ii. He tin ralkap pakhat thi ai Parliament ah kaapdunhnak a hleng sawng pah Ottawa khaupui song ai acozah office te pawl, tlawng te pawl le hmunpui hmuah hmuah heh aisu khai lut suak thil loin khaam sek ai acozah lam in lut suak tuh a him fang ian in hong tuh lai ii.
httpv://youtu.be/XrGqoISd-do
October 20 nia ah Canada ram ai Quebec province song ai Jean-Sur-Richeliu ah mi pakhat in Canada ralkap pahnih ding lai motor in khing ai a motor heh lampui hiang ah sawn kio ii. Cetan he pa in vaang thawn ralkap te hnen lam pan ai ralkap te in maithal in kaap ai a hmun ah thi cih ii. He pa hming heh Martin Rouleau, kum 25 mi, Canadian ii. He pa heh tun naai niu ah Islam sakhua ah lut in a facebook te bang ah tun dung ISIS lam tangin laai le zuk hlathnak te pawl le amah khai a khahmul sau ngai in khawi ai Koran laibu thawn, Muslim thuam in a um lai zuk te pawl hmu pha umh ii. Tun naai ah Martin Rouleau heh Canada an Middle East lam ah tlawn tum ai Immigration in ring lo maanin a Passport lang sah ii. Cia hnua hetin Canadian ralkap tawng ii. A khing ngahhnak ralkap pakhat heh hnuata ah a ur ze hnakin thi kio ii. He misual heh a facebook ai lar dan in 2013 kum dung pah Islam daih thu le Christian a hua thu te pawl lin thil ii.
info