London khuapui, Laihnia Maileng lamkhung (Crossrail) cek hmunah minung ruh tam ngai tawk ii. He minung ruh te heh kum za luan rai thizo te ai ruh te ii.
He mi hmun heh Bedlam hlanmual ii. 16th Century leh 18th Century kar lak songai minung thawng tam ngai ruak vui hmun pakhat ii. He mi hlanmual heh “The Great Plaque of London” san lai ai thite tam ber vui hmun ii. He mi “The Great Plaque of London” heh kum 1600 dungah urhnawm nai buthi te’n kai man minung tam ngai puulpui ur in thi hnak thu ii. London khuapui ah hlan thuanthu te siik fangin puulpui ur (plaque) heh vel tam ngai um awng ii. London khuapui songai maileng lamkhung cek hmun cang ah tih bang ai minung ruh heh lo tawk bial awng ii. He mi minung ruh te songah Rome san lai ai thilri te khai um tuh in sangvek ii.
Crossrail heh London khuapui nisuahhmun lam leh nitlahmun lam pehzom tuhhnak laihnia maileng lamkung project pui ii. He mi project heh $129 billion bo tuh ai, kum 2018 ah ben tuhhnak ii. Tun tengah he mi maileng lamkhung heh a hrekkhat tu ben zo ii. London khuapui, laihnua 40 m thuk ah maileng lamkhung co teng ii.
(Source – The Epochtimes)
info