Academic lam ai konghoitu US mithiam te pawl in a zingzoihnak ah Ireland ram heh Western ram hmuahmuah ah Islam daan cawisang ber le laivum ai Islam ram tam ngai te hnak tah a uar sawn thu phuang ii.
Islam daan in sumpaihnak lam fehpuidan, Economic Islamicity dinhmun heh Ireland, Denmark, Luxembourg, Sweden, United Kingdom, New Zealand, Singapore, Findand, Norway le Belgium ram te pawl heh Islam daan hmang ber ram 10 ah cang zo thu phuang ii.
He zingzoihnak heh George Washington University ai Business and International Affairs ai profeffor Hossein Askari in phuang ii.
Askari le a naperpui Dr Scheherazde S Rehman in laivum ai ram 208 dinhmun te pawl ai Quran daan a hlundaan te pawl siik tlang ii. Sumpaihnak le tlanglenghnak ah Quran daan a hlun ber ram te a tawkhnak tu reland, Demark, Luxembourg le New Zealand ram te ii. Britain ram khai Quran daan hlun ber ram 10 ah tel ban ii.
Muslim tam ber ram Malaysia heh Quran daan hlun ber ah 33hnak ah tel ai, Kuwait ram heh Quran hlun ber ram 48hnak ah tel ii.
Ireland ram ah mi 4.5 million umh ai Muslim heh zateek ah 1.1% ian umh ii. Inapui he ram ah Muslim mithar lut tio hnak, nai thar nai le he ram ah umh cia te Muslim ah let hnak te maanin Muslim a khang sinsin hang ii.
Tunhlan kum 20 dung ah Ireland ah Muslim heh mi 4,000 ian umh awng ii. 2011 kum ah Muslim heh mi 49,204 umh hang ai naupang tlawngkai heh mi 12,000 umh zo ii. He siik in 2006 kum ai dinhmun hnakin zateek ai 51% in khang tihnak ii.
Source: http://www.onislam.net/
info