March 24, 2015 nia ah Germanwings Flight 9525 vanzuang heh Barcelona-El Prat Airport, Spain an Dusseldorf Airpoart, Germany ah zuang lai French ram ai Alps tlang vum ah tlok ai a song ai passenger 144 thi sek ai vanzuang napertu 6 thi sek ii. Germanwings heh Lufthansa company in awhhnak ii ai a man tlawm niu in to thilhnak passenger phur vanzuang ii.
French le German lam in he vanzuang a tlokhnak san ber heh vanzuang mawngtu bawmtu, co-pilot Andreas Lubitz, kum 27 in amah ian vanzuang mawnghnak song ah umh in midang te lut siang loin Alps tlang khiing ruai hrim in canghnak tiin phuang ii.
Vanzuang tlok hmun heh Le Vernet an 3 km, Mount Cimet an 10 km dung ah ii. Mt Cimet heh 1953 kum ah Air France Flight 178 vanzuang tlok hmun ii.
He vanzuang heh kum 24 tar zo ai Airbus A320-211 model, serial number 147 ii le register fangin D-AIPX ii. 1991 ah he vanzuang heh Luftansa company hnen ah hleng ai cia hnua 2003 – 2004 kum ah Germanwings compnay ah zuar leh ii. Cia hnua 2004 kum ah Lufthansa company hnen ah zur leh ai 2014 kum hlan tian ii. January 2014 ah Lufthansa in Germanwings hnen ah aap leh hnak ii.
Vanzuang a tlokhnak san ber he he vanzuang ai blackbox a tawk hnua ah hetin ling ii. Vanzuang mawngtu ber Captain Patrick Sondenheimer heh zunsawt feh song ah co-pilot Andreas Lubitz in vanzuang mawng ii. Vanzuang mawnghnak hmun ah Captain lut tuh fangin co-pilot in dawng hong hiam lo ii. Captain in a kuul fangin hong thilhnak hmang in hong tum napui a song lam in kham sah ngio ii. Co-pilot in vanzuang a mawng lai ah a song lam in harsahnak le buaihnak tawkin au hnak ponka pakhat khai umh lo ii. Cetin vanzuang heh Alps tlang khiing ai a song mi veksen thi sek ii. Vanzuang in tlang a khiing fangin nazi 1 ah 700 km in zuang ai, a khiing dawn thiah fangin a song ai te a lau ze in authawm hnawta ber heh blackbox ah za thil ii.
Vanzuang ai to songin tlawngta mi 16 le tlawngsaya 2 tel ii.
Co-pilot Andreas Lubitz heh hnawta ah a thula zong leh fangin thinlung le khawruathnak lam ah cak lo nak nai tihnak ling lai ii. Lubitz umhnak apartment ai hnawmhne lak songin laaihnah tawkhnak ah a cak lo maanin na per pha lo thu doctor in nganhnak tawk ngah ii. Lubitz ai fenu in khai tun naai hla 5 song ah a umhdan ah buaihnak tawk lianglo thu te phuang tel ai zan khat tu nazi pakhat song buruk song ah amah lala dawng kham dun in umh ti ii.
Andreas Lubitz heh tun naai ah Muslim ah let thu khai Muslim thuthang in phuang thu speisa.com in phuang ii. Muslim ah let te pawl heh hetih bang in mi reek ruaihnak ah hmang tam ber de ii.
info