March 31 ah President U Thein Sein in Kawlram acozah le tlangvummi lungrual in remhnak thutlangpui laai ah hming kheenhnak ah thu ling sahtu lak ah tel ve ii.
Hming kheenhnak bawn hlan ah President in khatlam veve hnen ah vaaicaanghnak nai ai ram ca remhnak bawntute tiin aan ii.
He thutlangpui in lungkhimhnak laai heh ni 7 song acozah lam palai Union Peace-making Working Committee (UPWC) le tlangvummi lam Nationwide Ceasefire Coordination Team (NCCT) te in roh ngaiin rel tlang hnua ah lungrual in bawn tlanghnak ii.
Hetih bang ai a tawkdunhnak heh avai 2hnak Panglong Nehhnak tiin reel ai ram pum lungrualhnak tuhin tluangthu ah thil poimawh roh ah cang tuh lai tiin President U Thein Sein in reel ii.
He lungkhimhnak ah hming kheentu te tu UPWC lam in U Aung Min, U Thein Zaw, Lt-Gen Myint Soe, nion Minister Lt-Gen Thet Naing Win le Member of Parliament U Khet Htein Nan te ii NCCT lam in U Naing Han Tha, Pado Saw Kwe Htoo Win, Maj-Gen Guan Maw, Dr Salai Lian Hmung Sakhong le Col Khun Okkar te ii.
President Thein Sein in UPWC le NCCT palai te thawn zanfak aitlanghnak ah telpui ve ii.
Ref: globalnewlightofmyanmar.com
info