Zanniat Foundation ding thu

Zanniat miphun sawmdunhnak

Refugee ngah tuhin le ramdang ah hleng ben ve tuhin Delhi ah Kawlram mi tam ngai hleng tlang i sing. Kawlram mi song ah UNHCR thawn naper thil tuhin Kawlram mi te in pawlkom te (Eg. Chin Refugee Committee/CRC, etc.) khai din ai cang thil tawpin Kawlram mi le UNHCR karlak ah kilkhawlkhawl duun i sing. Kawlram mi te song ah miphun tam ngai um ai, mah miphun song kilkhawl dun hnak tuhin pawlkom  (Hakha, Zomi, Cho, Falam Union, Mizo, Mara etc.) te ding tlang zo i.

Biakhnak lam ah khai Kohhran/Church/Denomination le Fellowship (Eg. DBCF, CCF, GBC, ZCF, BCA, ZTCF, MCF, etc.) te khai tam ngai ding ai, biakhnak lam thawn Delhi ai um Kawlram mi song ai Laimi te khai kilkhawl dun i sing.

Biakhnak lam in tawlrel thil lo hnak le tawlrel tuh mawi lo hnak thula te khai tam ngai um i. Tun nia tian Zanniat miphun ca tumce ngai in kilkhawl dunhnak tuh pawlkom heh nai lo i sing. Cia lak song ah Delhi ai Unau Siattton Pawlkom song ai miphun te lak ah Ngawn, Khualsim le Taisun/Tlaisun (Phalaam/Tashon) te in amah te miphun ca pawlkom ding zo i. Hetih bang ai khangsohnak tuhin khuazuam tlang kin i maanin Zanniat miphun te khai tun panin biakhnak lam in tawlrel thil lo hnak te le tawlrel tuh mawi lo hnak teeti heh khuaruat kin kuul hang maanin 16 January 2011 nia ah pawlkom ding tuhin totlanghnak nai zo ai, 23 January 2011 nia ah a thu tlangpui nemhngethnak um zo i. Cetin Delhi ah Zanniat miphun kilkhawldunhnak tuhin Zanniat Foundation (ZF) ding hang i.

Mah miphun khangso tuhin, kinmah song ah le mi te lak ah kilkhawl duun tuh heh kinmah thotho poimawh i sing. Kin miphun khangso tuhin le khuazuam tlang tuhin sawm dun i sing.

Zanniat Foundation (Delhi)