Vai 70hnak United Nations General Assembly (UNGA) ah UNO ai teltu ram ṭen in thantar tarhnak ah Palestinian thantar khai tar tuhin lungkhim zo ii. Palestinian thantar tar tuhin ram 119 in lungkhim ai ram 8 in tar tuh lungkhim lo le ram 45 in zai khai rel hiam loin UNO ai teltu ram 193 song ah vote langdun ii. Palestinian thantar tar tuh a daih lotu ramte tu Israel, United States, Australia, Canada, Micronesia, Marshal Islands, Tuvalu le Palau ramte pawl ii. Lungkhim le lungkhim lo hnak vote pe hiam lo ramte songin United Kingdom, Germany, Greece, Netherlands, Norway, Portugal, Switzerland le Singapore tel ii.
United Nations General Assembly (UNGA) vai 70hnak heh 2015 kum September 15 nia ah honghnak nai tuh ii. September 25 nia ah Pope Francis in UNGA ah thu rel tuh ai 25-27 nia ah 2015 kum hnua lam ca khangsohnak lam thula rel tlang tuh ai September 28 nia le October 6 karlak ah thu eeldunhnak in caan hmang tuh ii.
info