Gaza lam in September 29 nia ah Israel ram ai Ashdod khua rocket in kaap maanin Israel in Gaza kaap leh ii. 2014 kum ah rohsia in a tawngdun hnua tun heh a tawngdun pan lehhnak ii.
Gaza lam in rocket kaaphnak heh ISIS lam in amah te kaaphnak tiin phuang ii. Gaza lam in kaaphnak rocket heh Israel ai van ai rocket kaaphnak Iron Dome Defense in lailung ah a tlok hlan ah kaap ngah le thil hnawmcanhnak le hliam tuar umh lo ii.
ISIS thawn pehzomhnak Salafist pawlkom ai Omar Hadid Brigade in rocket heh amah te kaaphnak tiin phuang ii. He thu heh Salafist lam in Twitter hmangin ngan ai a kaaphnak san heh Hadel al-Hashlamum, kum 19 mi Palestinian heh Hebron hiang ah he pa in Israel ralkap pakhat vaang thawn dawt tum maanin Israel lam in kaap maan thihnak ca le nu Imam Kanjou, fa panga nai Israel Arab mi in ISIS ah tel tum maanin thubuai nai ca upathnak in kaaphnak ti ii.
info