Myanmar ram in ralthuam hmang tlangvum pawlkom pariat thawn October 15, 2015 nia ah remhnak lai (Nationwide Ceasefire Agreement – NCA) ah hmin khen tlang zo ii.
He remhnak ah Kachin Independence Army (KIA) tu tel lo ii. He remhnak lai ah ralthuam hmang tlangvum miphun pawlkom 15 songin pawlkom 7 heh tel siang lo ai a tel lo song ah pawlkom cak rohroh umh bial ii. Ralthuam nai tlangvum miphun songin Kachin Independence Army, Shan State Army le United Wa State Army te pawl in Myanmar acozah thawn remhnak lai ah tel hiam lo ii. He remhnak program heh president Thein Sein inNaypyitaw ah hoha ii.
Thein Sein in, “He remhnak heh tunhnua kin tesinfa san ca thil pha kin hlumhnak ro poimawh ngai ii. Tun dinhmun ah ram pum huap thil lo napui tunhnua ah pawlkom dang te khai tel tuhin zuam tuh ii ing.” tiin reel ii.
Hetih bang ai tlangvum miphun pawlkom le ralkap acozah in remhnak lai a ngan tlanghnak ah Aung San Suu Kyi le ding lai acozah tawng ngamtu party lar roh National League forDemocracy (NLD) tu tel ve lo ii.
He remhnak heh European Union in a lungkhim pui thu khai EU ai High Representative Federica Mogherini in anghnak thu reel cih ii. EU in Myanmar acozah hnen ah a kuathnak lai khai online in siar thil ii.
Myanmar ah miphun tlawm sawn tlangvum miphun, minority ethnics pawl in miphun tam sawn Bamar (Kawl), Buddhist sakhua pawl vum ah a lungkhim lo ii. He ram heh tun hlan ah miphun tam sawn hming cawi in Burma tiin a hmin i awng ai, miphun tlawm sawn tlangvum ai um pawl tu 40% dung ian ii.
Burma in Britain ram an 1948 kum ah zalenhnak ngah awng ai cia lai ah ralthuam hmang awng ii. Ram song hmun tam ngai heh tun tian ralthuam hmang pawlkom in uk ai acozah lam thawn tawng dun tio ii.
Kachin state ah 2011 kum ah Myanmar acozah thawn tawngdunhnak ah raaltaan minung 100,000 dung umh zo ai hetin a tawngdunhnak heh tunhlan ah kum 17 lai acozah thawn remhnak a bawn awnghnak hnawm kio maanin ii.
Kum 50 vum ralkap acozah in Myanmar ram a uk hnua 2011 kum ah a ram ukdan thleng tuhin phuang awng ai laivum in a lungkhim pui ngai ii. Ralkap acozah in mipui hnen ah thunaihnak pe napui tuntian acozah lam thunaitu heh ralkap minung i sek ii.
Myanmar ram election commission in November ni 8 ni ah Election bawn tuh hnak heh a nia thawn tuhin phuang zo ai ralkap in thu nai leh tuh a lau ngai ii. 1990 kum ah NLD in election ah neh zawng zo napui ralkap acozah in he party ai hotu tam ngai thawnginn ah thun sek awng zo ii.
Myanmar acozah thawn remhnak lai nganhnak ah tel ve lo pawlkomte khai acozah in misual pawlkom ah dah nawn lo in amahte ram song ah amahte daihdan in khangsohnak lam bawn siang sah tuh thotho maanin Myanmar ram politics ah zalen ngaiin tel thil tuh vivo in hmuhhnak umh ii.
info