Rev. Thang Tsin Thuanthu
Pa Con Khup le Nu Nai Tlang te nupa heh Khawlei khua Leipui hmun ah Inn ce in um kawm ai zankhat tu Pa Con Khup mang ah ponvar ngai sil ai atiksa te khai aveksen ai varsiau Mirang 3 te heh a inn cer hlanglam in hong zianzo ai a vuansak hleng fang in ding tlang le Mirang 3 song ai 1 in “ Con Khup” Aw Con Khup, na nupui in nau pai ngaikhaw a hming ah Thang Tsin bawn tuh ii si ti’n ti ai Cia mi miring 3 te heh Pa Con khup te dawng saklam ah hong zianzo in akon hleng ii tikhai hmuban talo in pai leh lio ii, cialai teng in Laitlang ah miring te heh hleng awng lailo ii.
Ciatihbang ai Pa Con Khup in mang anai hnua ah Nu Nai Tlang in naupai ai fapa niu nai maan in Pa Con Khup khai aang ngai le nauhming ah “ Van mite hming bawn hnak khawmhlen ngasing” ti’n Thang Tsin bawn ii. Pa thang Tsin heh 1882 kum ah Khawlei khua ah suak ii. Pa Thang Tsin kum 6 ah a pa in hlumte ai anu in Lumbang mi Pa Hnun Hlum pasal ah nai leh saal ai Pa Hnu Hlum in khai arai hlan ah hlum leh maan in Pa Thang Tsin le anau te 2 Pa Za Lian ( Rev. Kip Vum pa ) Pa Ci Lian ( Rev. Za Duh Pa ) le a Nu thawn Lumbang ah um ii.
Pa Thang Tsin kum 10 akhim kum 1902 ah Lumbang miuk Pa Naih Vum in Falam ah tlawngkai tuh in ruai maan in Lumbang naupang dang tekawm tlawngkai le hla 2 dung akai fang in Tlauhmun khua ai Sai Lo thawn hau duun le Pa Thang Tsin in lo neh ii, Hetihbang ai Pa Thang Tsin neh hnak vum ah Sai Lo alungkhim thillo ai Miuk Pu Van Nawl reel le Pu Van Nawl in Zipeng Bawipa hnen ah reel sal le Pa Thang Tsin tu Tlawng in hnawt hnak tuar ii, Hetihbang ai Tlawng ai hnawt hnak tuar napui ai Lumbang ah tlunglo in Falam khuasong ah palik Bawi U Tha Hnok te sai khaal in umde ai zanfang in U Tha Hnok in Laai cuuk de ii, Pa Thang Tsin heh sai khaal kong ai a zirhnak ah lo zuamngai maan in U Tha Hnok in khai thiamruai daihsah ngai ai Calungpui vum ah kawl Cafang te ngansah in cuuk le Pa Thang Tsin khai zanvar mitmulo in zir le zankhat song in Cafang ngan daan le a siar te thiam man siau ii, Zing khuavar fang in U Tha Hnok in a cuukhnak te zawtsal ai a veksen in thiamsiau maan in Thang Tsin khawzing in na bawm ngai ii, Tunhnua ah mi menma ituhlo ii si, Mi hmingthang le Mi hotu ituh tengteng ii si ti’n hmuifu lo pe ii.
Pa Thang Tsin khai a naper hmun palik Bawipa hnen in Laai cateng athiam hnua ah Lumbang ah tlungsal ai a nu le a nau te thawn umtlang ii, Ciateng ah Acozah lam in Pa Naih Vum hnen ah Farhnai eer tuh in ruai ii, Pa Naih Vum in Farhnai eer tu tuh mi a si fang in Pa Thang tsin heh a songsuak fa bang ai a daih hnak maan in Farhnai eer tu tuh Tawkhawng naper pe ii, Farhnai te khiah Falam Vuanthok Zung ah kuat le ciatan Rangoon ah phur in thil phunphun bawn hnak ah hmang de ii. Cialai ah Laitlang ah krihfa aisukhai umlailo ii.
Dr. A. E Carson te nupa heh 1889 kum march hla ah Hakha ah hleng ai Karen Saya te pawl thawn mission naper tlang ii. Laitlang ah kawl Laai azir hnua ABC in Lai Laai bawn ai Laimi te hnen ah cuuk pan ii, krihfa umlo hmun khua tampui ah Mission Tlawng te phuan in naupang te hnen ah Laai zir ruai ii. Hakha, Zokhua, Sakta, Khawpi, Thantlang, Laizo, Lumbang, Khuasak, Tedim, Tonzang le Theizang khua te ah Tlawngphuan sah ai Karen say ate in Laai cuuk pan ii. Kin Zanniat Ramsong ai Tlawng hmasaber ituh in Lumbang khua ah kum 1906 ah Tlawngphuan le Karen tlangval Saya Po Aye in Laai cuuk pan ii.
Cia lai ah miuk Pa Naih Vum in Thang Tsin he kawlpa pon le kin linglo tu, nangmah heh ahnen ah umtu lai akul asam hnak te kin reel de ngasi ti leh Pa Thang Tsin khai Saya Po Aye thawn umtlang in akul asam hnak hmuah lo bawm de ii.
Pa Thang Tsin khai tlangval pui lokhimve hang ai Pa Det Thang fenu, Fenu Nai Men thawn daih duun maan in nupui naituh in tumtah hnak nai le nupui ngen tuh in a fenu Pa, Pa Det Thang te Inn ah Zubel thawn leeng ii, Ciatihbang in nupui zawt tuh maan in a Zubel heh khaang vum ah adah fang in Pa Det thang thinraw le ZU khai kin kul hlah, Mantalh khai kin kulhlah, Mo puai khai kin kul hlah, ningmah daihduun leisi kawl le kala te bang in tlun duun tu teu ih ti leh Pa Thang Tsin khai ciabang te te zaikhai le ti’n a nupui tu mo cang kullo niu in lo hoi awng ii. Hmai hla ah pehleh sal ngasing.
Zanniat Fate songai Tinim hnak lang hmasa ber
Pa Con Khup le Nu Nai Tlang te nupa heh Khawlei khua Leipui hmun ah Inn ce in um kawm ai zankhat tu Pa Con Khup mang ah ponvar ngai sil ai atiksa te khai aveksen ai varsiau Mirang 3 te heh a inn cer hlanglam in hong zianzo ai a vuansak hleng fang in ding tlang le Mirang 3 song ai 1 in “ Con Khup” Aw Con Khup, na nupui in nau pai ngaikhaw a hming ah Thang Tsin bawn tuh ii si ti’n ti ai Cia mi miring 3 te heh Pa Con khup te dawng saklam ah hong zianzo in akon hleng ii tikhai hmuban talo in pai leh lio ii, cialai teng in Laitlang ah miring te heh hleng awng lailo ii.
Ciatihbang ai Pa Con Khup in mang anai hnua ah Nu Nai Tlang in naupai ai fapa niu nai maan in Pa Con Khup khai aang ngai le nauhming ah “ Van mite hming bawn hnak khawmhlen ngasing” ti’n Thang Tsin bawn ii.
Pa thang Tsin heh 1882 kum ah Khawlei khua ah suak ii. Pa Thang Tsin kum 6 ah a pa in hlumte ai anu in Lumbang mi Pa Hnun Hlum pasal ah nai leh saal ai Pa Hnu Hlum in khai arai hlan ah hlum leh maan in Pa Thang Tsin le anau te 2 Pa Za Lian ( Rev. Kip Vum pa ) Pa Ci Lian ( Rev. Za Duh Pa ) le a Nu thawn Lumbang ah um ii.
Pa Thang Tsin kum 10 akhim kum 1902 ah Lumbang miuk Pa Naih Vum in Falam ah tlawngkai tuh in ruai maan in Lumbang naupang dang tekawm tlawngkai le hla 2 dung akai fang in Tlauhmun khua ai Sai Lo thawn hau duun le Pa Thang Tsin in lo neh ii, Hetihbang ai Pa Thang Tsin neh hnak vum ah Sai Lo alungkhim thillo ai Miuk Pu Van Nawl reel le Pu Van Nawl in Zipeng Bawipa hnen ah reel sal le Pa Thang Tsin tu Tlawng in hnawt hnak tuar ii, Hetihbang ai Tlawng ai hnawt hnak tuar napui ai Lumbang ah tlunglo in Falam khuasong ah palik Bawi U Tha Hnok te sai khaal in umde ai zanfang in U Tha Hnok in Laai cuuk de ii, Pa Thang Tsin heh sai khaal kong ai a zirhnak ah lo zuamngai maan in U Tha Hnok in khai thiamruai daihsah ngai ai Calungpui vum ah kawl Cafang te ngansah in cuuk le Pa Thang Tsin khai zanvar mitmulo in zir le zankhat song in Cafang ngan daan le a siar te thiam man siau ii, Zing khuavar fang in U Tha Hnok in a cuukhnak te zawtsal ai a veksen in thiamsiau maan in Thang Tsin khawzing in na bawm ngai ii, Tunhnua ah mi menma ituhlo ii si, Mi hmingthang le Mi hotu ituh tengteng ii si ti’n hmuifu lo pe ii.
Pa Thang Tsin khai a naper hmun palik Bawipa hnen in Laai cateng athiam hnua ah Lumbang ah tlungsal ai a nu le a nau te thawn umtlang ii, Ciateng ah Acozah lam in Pa Naih Vum hnen ah Farhnai eer tuh in ruai ii, Pa Naih Vum in Farhnai eer tu tuh mi a si fang in Pa Thang tsin heh a songsuak fa bang ai a daih hnak maan in Farhnai eer tu tuh Tawkhawng naper pe ii, Farhnai te khiah Falam Vuanthok Zung ah kuat le ciatan Rangoon ah phur in thil phunphun bawn hnak ah hmang de ii. Cialai ah Laitlang ah krihfa aisukhai umlailo ii.
Dr. A. E Carson te nupa heh 1889 kum march hla ah Hakha ah hleng ai Karen Saya te pawl thawn mission naper tlang ii. Laitlang ah kawl Laai azir hnua ABC in Lai Laai bawn ai Laimi te hnen ah cuuk pan ii, krihfa umlo hmun khua tampui ah Mission Tlawng te phuan in naupang te hnen ah Laai zir ruai ii. Hakha, Zokhua, Sakta, Khawpi, Thantlang, Laizo, Lumbang, Khuasak, Tedim, Tonzang le Theizang khua te ah Tlawngphuan sah ai Karen say ate in Laai cuuk pan ii. Kin Zanniat Ramsong ai Tlawng hmasaber ituh in Lumbang khua ah kum 1906 ah Tlawngphuan le Karen tlangval Saya Po Aye in Laai cuuk pan ii.
Cia lai ah miuk Pa Naih Vum in Thang Tsin he kawlpa pon le kin linglo tu, nangmah heh ahnen ah umtu lai akul asam hnak te kin reel de ngasi ti leh Pa Thang Tsin khai Saya Po Aye thawn umtlang in akul asam hnak hmuah lo bawm de ii.
Pa Thang Tsin khai tlangval pui lokhimve hang ai Pa Det Thang fenu, Fenu Nai Men thawn daih duun maan in nupui naituh in tumtah hnak nai le nupui ngen tuh in a fenu Pa, Pa Det Thang te Inn ah Zubel thawn leeng ii, Ciatihbang in nupui zawt tuh maan in a Zubel heh khaang vum ah adah fang in Pa Det thang thinraw le ZU khai kin kul hlah, Mantalh khai kin kulhlah, Mo puai khai kin kul hlah, ningmah daihduun leisi kawl le kala te bang in tlun duun tu teu ih ti leh Pa Thang Tsin khai ciabang te te zaikhai le ti’n a nupui tu mo cang kullo niu in lo hoi awng ii.
Tlawrzan khua ah tlawn leh thio le Tlawrzan te in akhualu lamkhung fip hmun ah thirthang lo tawi le Saya Thang Tsin to hnak Sai ke hmailam 2 heh thirthang ah awk ii, cia ve le Saya Thang Tsin khai Sai vum in rang ngai in tolh le “ Mer lo niu in um tu law” ti’n a sai khiah ti le sai khai merlo niu in um ve ai thirthang khiah ahawk sah hnua ah Tlawrzan khuasong ah harsa hnak umlo niu in hleng ben leh ii.
A khualtlawn hnak thu
Saya Thang Tsin tu Fuur khaal ti umlo hla 3 hla 4 inn tlunglo in um de ii. Kawl ram Angteng in Lusei ram Champhai tian khua cang ah thuthangpha reel in tlawng de ii, A khual tlawn lai ai arualpui te pawl tu Saya Lal Bonga, Saya Bawka, Saya Chawn Tur le Saya Tuah Hrang te pawl ii.A khual tlawn hmun ah hlun tu khai nai de ai Lumbang ai Pa Than Kim le Parte ai Pa Neih Hmun te heh a hlun tamber te ii. Saya Thang Tsin heh vel tamsawn ah Rev Dr. Cope thawn khual tlawng de ii.
Saya Thang Tsin le Rev Dr. Cope te pahnih heh kalaymyo in Tawngphilah tlawn tuh ai afeh lai in Lamkhung ah Rawn ti tan kul maan in ti tan tuh in Dr. Cope in a boot hawk tum ii, cia ve leh Saya Thang Tsin in, hawk harsa in kaimaan naput sawn ngang ti le Dr. Cope put kong in ti tan pui ii, Rawn lai dung hleng fang in Saya Thang Tsin in lung naal fon ngah ai a pahnih in rawnti ah sawn kawm ai ti beh kawm hliau ii, rawn raal akai hnua ah apahnih in siik duun ai hnihsan duundek awng ii.
Vaikhat tu Tedim ah Rev. Dr Cope in Laitlang ai Saya tepawl Pathian thu zirhhnak nai le thuzirlo ai acom caan ah Rev. Dr Cope le Saya dangte pawl khuasong ah leengtuh ai afeh kong in Rev. Dr Cope heh rinlopui in lungsui maan in bawkkhup in bah le Saya Thang Tsin khai ahnih suakze supbenlo in rohngai in lo hnihsan ii, Rev. Dr Cope in mi bah hmu ai thongang tih tumruul in ihnihsan so li tu na aang i awm? ti’n mithmai siathah ngai in zawt le Saya Thang Tsin in I nu songai isuak in tuntian Mirang bah hmu awnglo ing! Mirang te khai bah theive i awm ti’n ruat ai ihnihsuak zemaan in hni ing ti’n saang fang in Rev. Dr Cope khai hni lehsal ii.
Saya thang Tsin heh camcu anilo ai khualtlawn ai Pathian thureel in vaakde ii.Cialai in mi tamsawn in Pathian thu ngaai hiamlo ai Pathian thureel te khuasong ai camtuh khai daihlo ii. Ciatihbang ai akhualtlawn hmun ah Pathian thureel tuh daihlo maan in khuasong ah cam sianglo in khuahnarpua ah camruai tukhai tawkde ai thingkung hnia ah te camde ii,ciatihbang ai camhmun tawklo ai hampalak ai acam fang in aihtuh lamfak akenghnak nimdentheu le thakphit rawng ah ring in Pathian Thuthangpha reel de ii.Hetihbang ai kin Pathian sangtu hmasa te in na aperhnak maan in tunnia caan ah kinte in khai Pathian thu kinling thilve hnak ii.
Vaikhat tu Khupleng khua in Vanniam baantuh ai tumtah hnak thawn feh le lamlak ah Tlawrtang khua ai Pa Kaang bil thawn tawkdun le, a tawkdun hmun ah Saya Thang Tsin in Pathian thu reel ii. Pa Kaang Bil tu Tlaisun tlawn tuh inapui Saya Thang Tsin thawn a thureel hnak tawpthil nawnlo maan in Congkua ah cam ii. Saya Thang Tsin heh atawkhnak hmuah hnen ah comlo ai Pathian thureel de maan in mihrekkhat in atawktuh lau tu khai lo um de ii.
1930 kumkhuasak khua khawmpui ah Saya te lahkha sangruai tuhin thusuah um le Saya Thang Tsin in Lo ciikniu vai ai rawng tampui khawmhiambang kincang ngai Pathian ram kinlang hnak aciikzelai ii lahkha kai kinkuul lailo ii ti’n lo ti le Saya dangtepawl thinraw ngai napui ai Rev. Dr Cope in aan thun ii.Cialai ai Saya tepawl in lahkha paisa Rs 15 lek ngah napui ai angah hnak lahkha tah in aper hnak heh mankhung ngai ii.Hemi khawmpui ah Saya Thang Tsin heh Falam pengsong ai Zahau, Ngawn, Khualsim le Zanniat te hnen ai Pathian thureel tuh inRev. Carson le Dr. East te in pervo pe ii.Cialai ai karen Saya Mawng Goon bawmtu hlangta khualsim Saya Shwe Hlaing ( Trial Hmung ) thawn naper tlang de ii. Saya Thang Tsin heh kut zungthiam hnak nai ai Inn sahnak thilri khai khimniu in nai ii.Kum 1910 ai Moulamein atlawn fang in Tuluk Pastor Ah Shoo in Inn sahnak thilri te lo suum awng ai, Falam ai um Tuluk rualpui anai hnak Ah vong, Ah Pong, Ah Hoe, Ah Dwe le Ah Ngin tepawl in khai thil tampui lo suum awng ii.
Saya Thang Tsin reelhnak Pathian thukhiah Bualkhua ai Pa Cong Kham in sang ihang.Pa Cong Kham heh Bualkhua ai Hibawl le Tlahsaan tu imaan in akhuapui te in pamhaih ngai le Pathian thu a sang thil tuhlo hnak in a phun phun in zawl ii, Pa Cong kham in khua Upa te thu a sanglo maan in Lumbang miuk Pa Khuang Bik hnen ah a thu hlen ii. Ciatihbang ai Pa Cong kham thu miuk hnen ah ahlengmaan in thureel tuh in Lumbang Miuk Pa Khuang Bik le a Tlangsuak te Pa Hlawn Suak, Pa Lian Thang, Pa Than Tlir le Pa Thang Bawi te Bualkhua ah feh ii. Saya Thang Tsin khai hemi thu a za ve le Bualkhua ah feh le Pa Cong Kham te Inn ah cam ii.
Lumbang miuk Pa Khuang bik in Pa Cong kham heh khua Upa te thu sanglo in Pathian thusang tho tho le si khuasong Tlangsuak Upa te in naviit tuh ii ti’n lohring napui le Pa Cong kham in Pathian thu ahlat hiamlo mân in Pa Cong Khâm heh Viit tuh in mual ah khor ii,Saya Thang Tsin khai mual ah hlun veii.
Lumbang Tlangsuak
Pa Hlawn Suak in Pa Cong Kham kaipeu ah thisuak khop in rohngai ai viit mân in Pa Cong Kham khai tuarbenlo in sawn ii, ciave le Rev. Thang Tsin in comtu hang ih viit nawnmahang ih ti’n khap ai Pa Cong Kham khiah Lumbang ah nuam niuniu in khor in tlun ai aviit tuar hnak hmaihma lawmlohlan kilkhawl ii.
Rev. Thang Tsin in Pathian ram kâu sinsin tuhhnak ca a phunphun in naper ii.1914 kumah a nau Pa Za Lian, Pa Za Hlur, Pa Thuan Bik le Pârte khua ai PaPa Hlei Hmungle Pa Hang Zâl tepawl sawm in Tawngphilah ah khua to ruai ai Mission Tlawng phunli tian Tawngphilah le Cingmual tihnak tunai Chawngkhuah ah phuansah awng napui Japan râl song in hnawmlehsâl ii.Amah naper bawmtu tuh ca ti’n Halkha Mission Tlawng le Tawngphilah Mission Tlawng ah mi tampui Tlawng lokai ruai awng ii.Atlawngkai ruaihnak pawltu
1, Phu Ci Lumbang
2, Marry Lumbang
3, Me Caw Lumbang
4, Za Duh Lumbang
5, Ngaih Sum Lumbang
6, Al Nai Lumbang
7, Lian Bia Lumbang
8, Lên Thang Bualkhua
9, Hmung Bik Bualkhua
10, Rah Mâng Bualkhua
11, Sat Hmung Tlorzan
12, Ngun Sang Lungpi
13, Zung Lal Haitui
14, Hrang Tiam Darbo
15, Van Hnuai Sang Angteng
16, Pa Tuum Angteng
17, Al Kheng Cingmual
18, Ca Luai Heluk
19, Mang Nim Heluk ………………….tepawl ii.
Acung ai hming kinngan hnak tepawl heh amah bawmtu tuh ai tlawngkai ruaihnak inapui aisu inkhai amah naper bawm bentu umlo ii. Hemi tepawl tlawngphuan le tlawngpit cân ai atlung afeh cângin Rev. Thang Tsin in hla de ii.Tahan ai Saya Tuah Hrang khai Saya Thang Tsin bawmtu tuh ai Rev. Dr Cope ai naper pehnak ii.Ciahlei ah Lusei mi Dar Khaw Tawl, Do Sang, Than Thuam, Lal Lâm le Do Um tepawl khai Mission tlawngkai ruai ai Mission in cawm ii.
Rev. Thang Tsin heh Zanniat ramsong ah kum tampui Pathian naper in um ii. 1931 kum March ni 20 nia ai Laitlang pumpui kumsiar Civui pui Bualkhua ai abawnfang in cialai ai nikhaysong ai tinim hnak langtu tamber ituh in mi 64 heh Saya Thang tsin in tinim hnak pe ii.Hemi thu heh Rev. dr Cope in Laitlangai tinim tamber hnikhnaih hnak ii ti’n American ah lâikuat ii.American Baptist thuthang ah hemi thu lo suah ve le milian pakhat in losiar ngah ve ai a ângzemân in Saya Thang Tsin ca hlasiar Rs 20 lahkha lope awng ii.
Vaikhat tu Rev. Dr Cope te nupa Halkha ai Mrs Carson tlawn ai akawi teng in Bualkhua mi Thang tsin lothi le Rev. Thang Tsin thi bang in thangmân in Rev. Dr Cope athinhnawm ngai in lo um ai hnuata ah Saya Thang Tsin hmingpui thi ii ti heh linglehsâl fang in athin nuam lehsâl ii.Saya Thang Tsin heh thuthangpha ca furkhâl comlo ai khualtlawn mân in akhualtlawn hmun ah hnihcip zohsuam hnak khai tampui tuar ii.
Athihnak thu, kum 1932 March hla ah Laitlang Baptist Association kumsiar Civui pui Tidim ah um ii. Saya Thang Tsin le Dr. Cope te khai kawlram krih fa Hlaicikhawm hmangtuh in Tawngphilah ah feh kawm ii. Hlaicikhawm benfang in Laitlang ah tlungtuh in Natchawng khunglam hlunin Tlorzan ai krihfa te hâl fawm tum ii. Acâm hmun inn in Dr. Cope feh hmasa ai Rev. Thang Tsin khai Dr. Cope hnua in hnawhtum in pai ai akhual tlawn hnak sai vum ah to ii, asai vum ahleng ve le nidang banglo in asai khiah dokli mânin asai vum in tlok le a êl ai apâi hnak vangfok in atlokhmun ah anâk ah sawhmân in rohngai in ur le akhualtlawn tumhnak khai feh benlo in Kalaymyo Sizung lamsawn ah dahkul in um ii. Vangfok in sawhngah hnak heh pemlo napui ai asonglam sawn ah rohngai in tuahmawh mânin cakthil nawnlo in kum 1932 March ni 7 nia ah Vancung khua ai a Pa hnen ah comtuh in he laivum harsa hnak te ngaituh nawnlo in kinlo hlum awng ii.Ahlum hnak a fa te pawl
1, Pa Phu Ci
2, Nu Sung Hnia ( Rev. Hrang Tin Khum nu )
3, Nu Khawm cung
4, Nu Easter Cin
5, Nu Marry ( Sayakyi Zung Luai nu )
6, Nu Phua Khin tepawl ii.
Zanniat fate song ai tinim hnak lang hmasaber le Pathian naper hmasaber kin Pa, Rev Thang tsin thuanthu heh khangthar Zanniat fate in linglo tampui um mân in le hlanlâi sangtu hmasa te ai Pathian naper dân le tunlâi san Pathian naper tepawl dinhmun sânteh dân kinthiam thil hnaktuh in LAIRAM MILANGSAR PAWL LE PATHIAN KUTNEH MAWIZIA, tihnak Lâibu song ai Zanniat pon in bawnsâl hnak ii, famkhimlo hnak te vum ah asiartu te ngaithiam hnak ning ngen ing, Rev. Thang Tsin hlaici cinghnak mân in tunnia cân ah nang le kei in Pathian thu kin lingthil ve hnak ii, kin Pa Rev. Thang Tsin tuarhnak te ruat in asel sahhnak lamkhung ah dikcang ngai in hlun têk nga sing, Pathian in a ciangrauhla hmang in khangphawk hnak athar in asiartu le kin Zanniat ramah hlengruai tu hram seh.
Amên.
info