Falam peng hrang CNLD hmingin MP cuh tuhnak tohkham heh pali (4) umh ii. Cia songin Chin State (Pyinee) Hluttaw hrang tohkham heh pahnih umh ai, Nisuak lam heh Falam No. 1, Nikhum lam heh Falam No. 2 tiin khan ii. Nisuak lam Falam No. 1 constituency heh Zanniat ram umhnak ii ai, nisuak lam ca MP cuh hiam heh Zanniat in Salai Tawk Za Lian le Ngawn lam in Pu Con Kheng in MP cuh tlang ii. Vote lang ben ah Falam nisuak lam No. 1 constituency hrang CNLD party in MP cuh thil tuhin Salai Tawk Za Lian in vote 33 ngah ai, Pu Con Kheng in vote 15 ngah in, Salai Tawk Za Lian in CNLD party in MP cuh thilhnak dinhmun ngah kio i hang. Falam Nikhum lam No. 2 constituency tu Pu No Than Kap in co ii.
Jul 7, 2020 nia ah Chin National League for Democracy (CNLD) party song ah 2020 kum Election ah party songin MP candidate tuh ril dunhnak sun vui meeting nai ai, zanlam ah vote langin relcat ii.
CNLD party song ai Candidate rildunhnak vote heh 48 umh ai, a hnia lam bangin Hluttaw veksen ca ngahdan ii.
Amyotha Hluttaw
- Nghepi (27)
- Kawl Lian Thang (20)
Pyithu Hluttaw
- Hrang Kian Lo (36)
- Mang Kap Ling (10)
- Nai Ṭhio (2)
Chin State (Pyinee) Hluttaw – Falam East No. 1
- Tawk Za Lian (33)
- Cong Kheng (15)
Hetin CNLD Party songin 2020 Kum Election ah Falam peng ca MP cuh tuh tohkham le candidate te tu a hnia ai bangin ii.
- Salai Tawk Za Lian (Chin State Hluttaw, constituency No. 1)
- Pu No Than Kap (Chin State Hluttaw, constituency No. 2)
- Pu Thian Uk Thang (Ngepi) (Amyotha Hluttaw)
- Pu Hrang Kian Lo (Pyithu Hluttaw)
Falam peng hrang candidate palai CNLD le candidate ngah tu hming veksen khiah July 25 nia ah Kawlram huapin phuanghnak umh tuh ii.