VANGVA KHUA IH PHUN & HNAM DINHMUN

-www.vangva.in

American Baptis Chin Mission Dr East-an Hualngo ram a fan laia Bord hnena leh kha a thawnna ah Vangva khaw chanchin he ti hian a lo ziaka. “Dr East mention in a letter to the bord that they visited Vangva with 50 houses,but I cannot find this place on the map.He called it a Hualngo villege”

“Dr East-a chuan Board hnena a report- na lehkha a thawn in Vangva chu in 50 an nia.Map-ah ka hmu lo a ti.Hualngo khua-leh-tui ani”ti in a ziak.

Vangva khua hi Hualngo khua-leh-tui a ni a. Simhrin ten an rawn tawiawma.Sunthang hnam an ni.Zanniat hnam, Bawitlung(Halkha) hnam leh Tuallawt hnam ten an rawn tawiawm bawk.1941 hnu lam a a tang Heilei khuaa Teizang hnamten an rawn tawiawm ve leh ani.Chuti chuan Vangva khua ah hnam lian deuh chin chi (5) chuang a lo awm ta a ni.Khawsattu Hualngo an nih ang bawk in Hualngo (Duhlian) tawng hi tawng tlanglawn a ni.Tin Vangva hi Falam biala awm anih a vangin leh Falam tawnga leh kha an lo zir thin a vangin Falam /sim tawng an thiam vek.Tin,Vangva khua hi Tidim ramri bula awm anih avang leh Teizang an awm a vangin Tidim /Teizang tawng an thiam vek bawk a ni. Vangva khua ah hian Hualngo,Sim leh Teizang tawng  chi (3)hi an thiam kawp vek ani, Mahni tawng theuh pawh in an in be pawp thei vek ani.Hnam chi khat ang chiah in an in hmangaiha, an in pum khat tlat ani.

Note:**Mizo(Hualngo) tawnga kan ziah a vangin hming hmawr ah “i” leh “a”kan belh zela,chhiartu ten min lo hre thiam dawn a nia. **

SUNTHANG
Simhrin chu Zahau u nau Hauhulha thlah te an nia,Hauhulha hian fa 14 a nei ti in Lailunsan thuanthu P-66 na ah kan hmu a chungte chu; Sunthang, Sailung, Bawthang, Hausum, Hlawnmual, Sawnset, Khalthang, Tuallawt, chimlung, Huha, Lalvawng, Conghlut, Liansin, Bansawt etc., an ni.Lailun atang in Zathlir leh run kam vel ah an awm darha.An khawpui chu khuanglui khua ani.Sunthla khua hi ah khaw hluntak ani.Vailen hnu in Sim hrin awp tur in khuang li Lal pu Noala chu British sawrkar in Tribal chif (Miuk) a tan a pe.Simhrin khaw (13) an awm.Chung khaw 13 zing ah chuan Dihai khua hi hriat lar pawl leh khaw hlun tak ani.Sunthanga fa Lenthanga,Lenthang faLiandanga,Liandanga fa Hniarliana an ni a.Hniarlian an Hawilo khua a tang in Dihaikhua a sat.(???????????????? P-6cool Dihai khua a tang in Pu Thachina fa Pu Kamtlira (Sunthang) chu Khiangzang khua ah a pema.Chu ta tang in 1895 kum vel ah Vangva ah a rawn pem luta. PU KAMTLIRA (Sunthang) fate chu :

1.Pi Tawlchuaii(Hmunneithanga pi)
2.Pu Mangchia
3.Pi Nungtiali
4.Pu Rallianthanga(Khawhai ah a pem)
5.Pi Senngheli

PU MANGCHIA FATE:
1.Pu Lengtinthanga
2.Pi Tawkhlemi
3.Pu Phunkipzama
4.Pu Duhpianga
5.Pu Lianngailova
6.Pu Zunbilthuana
7.Pi Sunkipthluaii
8.Pu Runronghaka

Pu Mangchia hi Vangva khua an lo pem lai hian anu in a pai lai ni in an sawi.Hei hi 1895 kum vel a chht ani.Pi Nungtiali nulat lai hian Khawhaia pemtur in an in buatsaih lawka,mahse Khawhai Lal Pu Zataian Pi Nungtial i a alo dawngsawn dan a thalo va an hriat a vang in an thulh leh ta ani.Khawhai Lal Pu Zataia hi Dawithiam anga sawi an awm thin.PU MANGCHIA hi kum(86)mi ni in 1981 kum ah min boralsan ta a ni.

ZANNIAT.
Phurhhluma thlah Zanniata ,Thuankaia leh Hlawncheuva te chu kawlphai a tang in tlang ram ah an kai.Hmunli an thlen hnu in tivang lui ah an chenga.Sunhlu an eia,tui an in leh a,a thlum tui ta hle maia.Zanniata chuan “he tui hia a thlumtui em a he tah hian awm hlen tur a nih hi” ti in an chambang hlenta ani.Chumihnu ah chuan an khawpui chu Khawlei khua ani.In 600 lai an tlinga ,an in ring tawk ve ta a.Tlaisun lalin a awpa.A awp duh lovin 1820 vel ah Tlaisun lak ah an hel ta ani.(The Chhin Hills Vol.1,p-147)Chuti chuan tlaisun nen an tual thu a tha tawh lo va,Tlaisun in an run a.A then an mana,a tamzawk chu an tlan darh zo ta a ni.He mi hun lai hian then khat chu runral kan in hnamdang kar ah ral tlan in an lo awm ta a. (Zofatechanchin-46)

Hetih hun lai tak hian Lenthanga fa Liandanga(Sunthang)chuan Khuanglui khua(Tlangkhawhmun)a tang in Hawilo khua a sata.Hawilo khua ah hian Tlaisun ral hlau a tlan Zanniat ho vin an rawn pana.Hawilo khua a tiak hnu in Hlawnthang’n Losau khua a sat a,Ngawn leh Zanniat raltlanho in an puibawma,an awm hlen ta ani.(???????????????? p-69)

Pu Tawkhranga (Zanniat sumthang) chu khawlei khua a tang in Losau ah,Losau a tangin Au hmunah an pem zela.Auhmun khua a tangin khuangleng khua a pem turin an kal a.Mahse, Vangva lal Pu Thangtinsuman Vangva khua a awm tur in a lo sawma, Vangva khua ah an awm hlenta ani.Hei hi Pi Tialveli pian kum ni a hriat a nia,1938 kum vel a chhut a ni.(js Jama)

PU TAWKHRANGA FATE
1.Khawtinthanga
2.Liankhenga
3.Tialchia
4.Mangkaii
5.Tialveli
6.Faidailova
7.Duhcungnunga
8.Vawmlianchuaii

Tin an ni a bakah hian Pu Tawkhranga pianpui Pu Kipthlurra,Pi Zatiali,Pu Fungluaia ten an rawn tawiawm leh ani. Pu Tawkhranga nau Pu Kipthlura hi Khuang vawi 2 a chawi hnu in Hlaizawl ah a pem (Vangva khua a khuangchawi hnu hnung ber a sawi ani). A naupangber Pu Senkhupa hi sipai ania,a ban hnu ah a rawn awm ve leh ta ani. Khua-leh-tui hmangaihtu mitha,mifel,midik leh tlawmngai an ni.

BAWITLUNG
Lailun a tang khawrua khawlu Zotlangah ,chuta tang in tuna Halkha bial leh Thlantlangbialah an darh zau ani.Hnam tamtak ah an in thena,Senthang,Lautu,Zophei,fanai, Mara,Mie,thaw etc., an ni.Heta tang hnam peng tamtakah an inthen leh a,Chinzah,Zahnak,hlawngchhing,Khenglawt,Zathang,Chenhrang, Bawitlung etc., te an ni.Mi huaisen hnam an ni.

Pu Taihmunga(Bawitlung) chu Zotlang a tangin Halkha ram ah kal lovin Simhrin leh Zahau karah an lo khawsa anih hmela.Khuanglung khua atang in Tuilum khua ah,chuta tang in Hlaizawlah,chuta a tangin Vangva khua ah an rawn pem ani.PuTaihmunga(Bawtlung)le pi Ensungi fa te chu:
1.Bawithuana (H/O Nuamniangi)
2.Tlanglianthluaii
3.Kamchungnunga
4.Duhthiauva
5.Hlemkipi te anni.

Pu Taihmunga hi Vangva Lal pu Thangtinsuma khawnbawl mirinawm leh mi tha ani.Mifiam thu thiam tak,mi ti hlim reng thei mi ani,Pa lian ruangrai tha,hna thawh thing phurh ritlak ah michak tak leh mi tlawmngai ani.Mirilru tha miti hlim thiam tak anih a vangin khual lian an neih changin khual chhawntu (welcome)ber ani.An hun lai arkhai,zukhai te khawtlang dan angchiah a khawntu ani.An neih loh leh an puk tira.Puktur an hmuh loh leh an kal kana,ni dang ah an khawn tinr leh a ni.Hetih hun lai hian khaw tin in arkhai leh zukhai an nei vek ani.Khual lian dar nan leh khawtlang pawi mawh chauh a hman ani.Mimal thil ah dan lovin mi zukhai leh arkhai lak theih ani lo.A hun lai hian lo mawl vio mahse Khawtlangdan hnget khauh tak an neia,a khaw dan hi an zui tha em em a,tumah in dan an bawh pelh ngailo ani.Pu Taihmunga hi Khua-leh-tui tana mi tlawmngai mi rinawm leh mi fel,khua-leh-tui hmangaih tu ani.

TEIZANG
An thlahtu kawl phai atang in tlang ram ah a kaia,Mualbemram Luika ah khua an sat.Luika khua ah chuan mi an pung hlea.Chu khua ah chuan Daitonga leh Chiangtuangi te an awma.Fapa(2) sukazova leh Zasuana an nei.Daitonga a thih hnu in Chiangtuangi leh a fate chu an kal chhuaka.Mualbem ram tho Banzang an tih hmun ah an awm ta a.Banzang khua ah sukzova leh zasuana chu an puitlinga.Chuta tang in “Teizang” hmun ah kan cheng ang an tia,Teizang ah an in sawnta a.An chena ram hming chawi in TEIZANG mi an ti hlenta ani (Tei chu thing hming Teithing a ania,Zang chu zawl tih na ani).Sukzova leh Zasuana thlahte chu Teizang hnam an lo nita ani.(Zofate chanchin page-51)

TEIZANG HNAMTE CHU:
1.Nguite
2.Nekngen
3.Sawmpuang
4.Sukte
5.Sote
6.Buansing
7.Satmun
8.Khupmu etc., te an ni.

Mualkham pil thlawh kum 1941 vel ah loram chhim turin Hriangngai (Heilei) khua atang Pu Damkhawthanga ho in(10)velin lo an rawn vata.Thlam tha tak tak an saka,vawk leh ar te an vulh a.A ram a tha bawk si a thlai chin a tha duh hle a,Vaimim,buh leh bal an thar tha emem bawk ani.Chu vang chuan Pu Damkhawthanga chuan khaw bawka awm hlen a ril ruk deuh ta a.Awm hlen zai an lo rel tak ah chuan Vangva khua ten hawng tawh turin an hriatir thina.Mahse ram nuam tak leh thlai that na hmun anih a vang in chhuah san mai chu a har sa anti emem ani.

Chuvang in miuk Thangtinliana hnen ah thil awm zia an hriattir ta a.Chuti chuan Thangtinliana chu Vangva khua ah a lo kala,Pu Thangtinsuma in ah bawng an lo talh a.Thangtinlian chuan Hriangngai Lal Pu Hauzananga hnen ah lehkha a pek tira,ka awp ram chhung ah phalna nei lo vin khaw din theih a nilo a tia.Hauzananga leh Thangtinliana an in biak hnu ah an thu chhuak chu hei hi a ni: “Hriangngai khua a hawng duh zawng zawng hawng sela,Vangva khuaa rawnfin duh zawng zawng rawn pem lut rawh se.Mi khaw ram ah khaw din theih ani lo.An chhuah san loh chuan in hnawt chhuak ang” tih a ni.Chuti chuan a then Hriangngai ah an hawnga.Vangva khuaa awm duh zawng chu hotu then khat ten an han hruai ani.Chhuahsan hreh zual deuh te phei chu an in ban te an kit sakin an thiah sak hnu ah an bungrua te phur in Vangva khua ah an rawn hruai hawng ta ani.Chuti chuan Vangva khua ah Teizang an lo awm ta ani.  Vangva khua a Teizang awm hmasa te chu: Tunkhawlanga u Damklhawthanga,Damngova, Vungdalapa Enngina, Sawngkim, Sawngzacina (Lerhkawn ah dawr akai),Sangkhawnanga, Henkhawvunga(Pamgsak a tang a rawn pem)Piangkhawthanga,le Vumhauva te an ni.Khawhlui thlangtabera awm lai a ni a,an awm hlim hian khawtlang nun phung an la hriat loh a vangin seluphan an lo tuah a,lei an chawi nghe nghe ani.An rawn awm hlim in japan ral a lo thlenga, Sangkhawnanga hi Falam atang Bawmba khua tleng kuli phurtu ah a tel ve ani.