Dalai Lama in Mahatma Gandhi International Award co le Durban City Hall ai bawn tuh hnak kum siar bawn tio hnak Satyagrapha Awards caan ah 9 Oct 2011 nia ah pe tuh i.
Dalai Lama heh kum 76 upa hang ai Tibet miphun te Buddhism biakhnak ah a lu ber i le laivum ai Buddhist hotu ber lak ah hmingthang i.
He thu heh India ai Mahatma Gandhi peace prize tawlrel tu Ela Gandhi in phuang zo le South Africa acozah in Dalai Lama heh VISA pe tuhin ngen fawm i.
Dalai Lama heh 2009 kum ah khai VISA pe siang lo awng i. Tun khai VISA pe tuh maw pe tuh lo lin lai lo i. Hetih bang ai VISA a pe siang lo hnak san ber tu tun naai ah South Africa Deputy President Kgalema Motlanthe in China ram tlawn maan in i tiin mi tam sawn in reel i.