Kawlram ah acozah do ngamtu le raalkap tam ber nai tu United Wa State Army (USWA) heh kum 2 song Kawlram acozah thawn Border Guard Force (BGF) per tuhin sawmhnak lungkhim loin um hnua ah tun kum ah lungkhimhnak nai tlang hang i.
October 1 nia ah Wah le Acozah heh tawk dun leh i, avai 3hnak tawdunhnak tu Wah headquarter umhmun Panghsang ah tawkdun tuh i. Hetin acozah le Wah heh tawngdun tuh loin lungkhim tlang zo le Wah raalkaap heh ramri ah Border Guard Force (BGF) per tuhin lungkhim ve hang i.
Wah lam in acozah hnen ah ngenhnak te songin Wah ram song ah acozah napertu tlawng zirhtu le doctors te pe tuhin le rampua ai UN le I.N.G.O te khai Wah ram ah lut thil tuhin ngen i.
Cen, Wah in Wah mi te in acozah ai ram mi ihnak card te, motor mawng thil hnak license te le hla siar faang bag 2,000 le hla siar sumpai Kyat 10 million (US$ 12,500) acozah in Wah pe tuhin ngen tel i.