Greece ram in sumpai sam ze ai mipui te harsa ze maanin nazi 24 song mipui in lungkhimlohnak au maanin ramsong acozah office te, tlawng, court (tazazung) le hospital te tian com sek i. Emergency in siik hmun Hospital le Clinic te khai napertu lawm niu leek in na per i.
Tun dinhmun ah Greece ram in rampua ai te in sumpai tam ngai thawn bawm kuul tengteng dinhmun ah umh le a ram heh harsa roh dinhmun ah umh teng i.
Vanzuang le lamvakhnak lam ai napertu te khai naper hiam loin um lianglo le vanzuang tam roh zuang thil loin um sek i. Athen khuapui ah bus le ral khai pha ngai in feh thil loin um sek i.
Khawpui song ah mipui tam roh thinraw in vaak lianglo maanin thilhlun kilkhawlhmun Museum te khai khaam sek i.
Oct 2 nia ah tun kum song ah Greece ram in sumpai a kuulhnak heh nai ben lo thu heh acozah lam in phuang hnua fangin mipui tam ram thinraw in puaksuak lianglo i. Tun Greece ram in €6.6 billion ($8.72 billion) sumpai heh 2012 kum bo tian sum ngio i.
Greece ram in 2010 kum May hla ah €110 billion sumpai midang hnen in cawihnak khai tun kum November hla song ah bo tuh i hang.