United States ai Kachin te in China acozah vum ah lungkhim lo in lungkhim lo hnak au i.
Washington DC ai Chinese Embassy, Houston ai Chinese Consulate hmun hnih, Texas le Los Angeles, Carlifornia ah Kachin te in China acozah vum ah lungkhim lo in au tlang i.
Washington ai khiah minung tam ber ai Kachin mi 100 dung tel tlang le Chin, Karen le Shan te in telpui i.
Washington ai Kachin National Organization (USA) ai Interim President Gum San in “Hetih bang ai Chin acozah vum ah kin auhnak heh China acozah in Japan fascist te bangin uktu Kawlram acozah bawm ai Laivum Raalpui Vai-2hnak ai Japan facist te bang in kin ukhnak vum ah lungkhim lo” ti in Kachin News Group ah reel i.
He lungkhim lo hnak ah Kachin, Chin, Karen le Shan pawlkom te in Chinese Embassy ah lungrual in laai kuat tlang i.
He laai ah;
1) China in Kachin, Shan le Karen State ai refugee te China ah lut siang tuh, 2) China ram ai raaltlaan te heh humhimhnak ruat sah tuh, 3) Kawl acozha thawn politics, sumpaihnak le raalkaap lam ah bawm tuh lo, 4) Kawlram heh democracy ram ngaingai a i hlan song China in sumpaihnak bawn tuh lo, 5) Democracy ca minung tlawm sawn Kawlram ai miphun (Ethnic) te le Daw Aung San Suu Kyi te thawn tawkdun hnak hong sah tuh ti in ngenhnak tel i.
Tun ai Kawlram acozah thar President Thein Sein, raalkap General hlun in March hla thunaihnak co ai March hla pah Kachin, Karen le Shan state ai miphun te vum ah roh ngai in raalkaap le raalthuam hmangin do i.
info