Ralkap acozah lam UWSA ralkap motor 30 Thailand ramri ah

Wednesday, 26 October 2011 14:40

Thuthang in Kawlram acozah thawn lungrualhnak bawn zo United Wa State Army (UWSA) ai motor 30 heh ralkap a dim thawn Kawlram le Thailand ramri lam ai Shan State Army (SSA) te umhmun lam ah feh zo ti ii.

He ralkap motor te khiah UWSA ai 171hnak headquarter umhmun Hwe Aw, Mongton township ah hleng tuh ai he hmun heh Thailand ram ai Chiangmai khawpui khat lam niu ah umh ii. He ralkap te heh SSA umhmun Loilam lam nor tum tiin thu umh ii.

    * Gawng Moong Merng
* Loi Taileng
* Loi Hsarm Hsip
* Loi Gawwan

UWSA ai thuthup heh lang ngah tu umh le cia laai ah SSA in UWSA te ukhnak ram heh Kawlram acozah hnen ah ngen awng ti ii. He hmun heh Kawlram le Thailand ramri, Kawlram song ii.

SSA lam in 2007 kum ah Kawlram acozah ralkap bawi thawn ramri ah tawkdunhnak nai awng le lungkhim tlanghnak nai ben lo awng ii.

UWSA le he pawlkom thawn nong dun roh Mongla ai National Democractic Alliance Army (NDAA) te in Kawlram acozah thawn September ni 6-7 ah remhnak bawn tlang zo ii.

2005 kum ah Kawlram acozah ralkap le UWSA ralkap te in SSA South ralkap te khiah a rual in do tlang awng ii.

Tun ah hetin UWSA lam ah ralkap lut tete maanin Wah le Shan miphun heh Kawlram acozah maanin do dun thai dinhmun ah umh hang ii. Cen, Thailand acozah khai ramri lam humhimhnak khawruathnak nai ve ii.