United States ram ai sak-nisuakhnak lam ram ah a caan bang lo in hlivua thawn vur tam roh zarh khat song tlok zo le minung million tam ngai in Electric nai lo in buai ii. Tun bang caan heh he ram ah thinghnah tlok caan napui vur tlok ii.
Vur tam ze in khawsik maan tiin reel le mi 9 thi zo thu New Jersey, Connecticut, Massachusetts and New York lam ah thuthang umh ii.
Hlivua cak in vur tam ruai le Massachusetts ram in tuar ber ii. Vur heh 68.6 centimeters tian hmunzawl ah dim le Winsor ram tu 66 centimeters tian in dim ve ii. Khua hrekkhat ah vur heh 30 cm tian dim ai New York an 72km hmun ai West Milford tu 48cm tian vur in dim ii.
New Jersey ai electric le gas lam company PSE&G in nikhua hnawm maan electric le gas lam buaihnak tawk tuh thu phuang le mipui te in ralring tuhin phuang ii.
Tun October ah New York ai vur tlok heh kum 135 song ah a roh ber ii tiin National Weather Service in phuang ii.