31 October 2011
United Nations Educational, Scientific and Cultural Organization (UNESCO) in Palestine te ngenhnak bangin UNESCO ah Palentine ram tel tuhin lungkhim zo ii.
Hetaih bang ai UN ai pawlkom pakhat in Palestine ram din tuh lungkhim maan sumpai thawn UNESCO bawmtu ber United States in lungkhim lo ai State Department thureltu ber Victoria Nuland in 31 Oct nia ah Washington in kum siar UNESCO ai sumpai 100 ai 22 a bawm tiohnak com tuh tiin phuang ii. US in UNESCO ca bawmhnak heh USD 80 million dung ii.
1990 kum dung ah US in daan bawn le cia daan ah Washington in Palestine ram dinh tuhin bawmtu pawlkom hnen ah bawmhnak pe tuh loin daan nai cia zo ii.
Tunhlan bang i lekhaw US in UNESCO hnen ah tun kum November ah sumpai USD 60 million pe tuh ii.
Palestinian pawl in UN ah tel thil tuhin UNESCO ah tohkham co tuh heh vote-tu ram 107 song in 173 in lungkhim ai ram 14 in lungkhim lo ai ram 52 in vote hlat hiam lo ii.
UN ai daanthiam pawl in Palestinian te in member i tuhin ngenhnak heh lungkhimpui tuhin loin vai tam ngai hla hmasa pah phuang zo ii.
US State Department palai Victoria Nuland in UNESCO ah US rolh tuh lo napui United Nation ah tu US tel tuh thu reel ii.