India ah tun san fenu te thula zinzoihnak bawn le India ram ai fenu heh kum 17 fangin nupang ihnak him lo (Virgin) lo tiin hmusuak ii.
He thu zingzoitu Debarati S Sen in, fenu te in nupang ihnak heh kum no niu pah him lo tam sawn hang ti ii. Cen, nupang te in tun hlan hnak tah thii nai hma le kum 9-10 karlak ah nai le mipa in kum 10-11 ah tilpor hang ti ii. Cia bang pah nupang te in Virgin ihnak khai hma roh in paai ruai ti ii.
He thawn pehzomhnak TV le Video/Movie le Internet hmang in mipa le nupang ihnak fiang roh in hmu pha le siik pha tam ze maan khai ii ti ii. He bang te hmang in tlairawl te khiah ti cuul hiam ruai le amah te tiksah ah Hormone suak ruai ti ii.
Linghiamhnak in reek:
Dr Anjali Chhabria (Phychriatrist) in, Thil linghiamhnak heh minung daan ii. Tlairawl te in thil heh linghiam ai bawm hiam de ii. Tlairawl zakthi thai te khai tun dung ai Internet ai Social Networking hmang in tawk dun de ii. Sex lam ling lai lo tlairawl te ca so ruai de le cetin bawn ngah de” ti ii.
Nu le pa in siik lo:
Nu le pa in naper nai te heh naupang te khiah hlumtam maan zalen ngai in umh de ti ii. Innsang ah naupang kilkhawltu Hnenum te in Phone le Cyber hmang in Sex hmang thil tihnak rin ling sah de lo ii, tiin Dr Chhabria in reel ii.
Innsang thuanthu:
Innsang kheek in khanghnak nupang te heh thinlung ah samhnak umh ngio de ii. Nu le pa ai daihhnak le iithnak co ngah lo te in amah te hiang ai iithnak been de maan Virgin ihnak paai de tiin Seema Hingorrany (Clinical Phychologist) in reel ve ii.
Sex tihnak zakthi lo hang
Tunhlan bangin nupang le mipa pawldun tihnak heh zakthihnak in ruat lo hang ii. Virgin ihnak heh songlawihnak nai lo hang le tun dung tlangval te in hnihsan menma hang ii, tiin Phychotherapist Shilpa Raheja in reel ii. Veksen ca remcang lo hnak heh khangthar te in pom ngio ti ii.
Zu in neh:
Zu ding fangin tlairawl te lakah Sex lam hmang hiamhnak heh tam ruai thil awm tiin ruat thai ii. Dr Chhabria in, Zu in tlairawl te lak ah Sex hmang ruai hiamhnak so ruai ti ii. Zu in Sex hmang pha lo tiin ruathnak tlawm ruai le zalen ngai in hmang hiamhnak thinglung nai ruai ti ii.
Kopdun hiamhnak:
Tun dung heh fenu-tlangval nai heh minungdaan bang in umh hang ii, tiin mithiam te in reel ii. Mi tam ngai in puai le zungdinghmun ah le Disco hmun ah feh tio hang ii. Hetih bang party ah feh lekhaw mipa in a kut ah nupang awh pha nai kuul, tiin Shilpa in reel ii. Naupang hrekkhat tu he bang heh zakthi napui mi tam ngai hetin tawk fangin midang thawn umhhiamhnak le kopdun hiamhnak thinlung nai ngah de ti ii. Nu le pa hnen in ngah lo hnak te khiah rualpui te hnen an tlairawl te in ngah de ii tiin Anju in reel ve ii.
Zirhnak fumfe kuul:
Tun heh tlawng ah Sex thula zirh hang ii. Sex thula zalen ngai in le ciang ngai in reeldunhnak kuul, tiin Shilpa in reel ii. Nu le pa in naupang te hnen ah Sex thula reel hiam de lo ai midang sawn in reel tuh in dah de ti ii.
Naupang te vum ah:
Seema in, tun hlan kum 5 song ah roh tete ai fenu 50-75% dung heh Virgin ihnak heh innsang nai cu hlan ah paai ruai zo ii. Naupang te heh tlawng ah phun 5 dung hleng fang in a tam sawn tu Virgin ihnak naai lo hang. Fenu te in sex hmang maan amah te ruathnak bangin nunhnak ah cang leh lo maan thilung ah rimsuhnak in dim de ii. Tlanglengdaan, rong ai le khawhruathnak ah rimsuhnak le hiam lo hnak in dim de tiin reel ii.
Seema in, tun hlan kum 5 song ah roh tete ai fenu 50-75% dung heh Virgin ihnak heh innsang nai cu hlan ah paai ruai zo ii. Naupang te heh tlawng ah phun 5 dung hleng fang in a tam sawn tu Virgin ihnak naai lo hang. Fenu te in sex hmang maan amah te ruathnak bangin nunhnak ah cang leh lo maan thilung ah rimsuhnak in dim de ii. Tlanglengdaan, rong ai le khawhruathnak ah rimsuhnak le hiam lo hnak in dim de tiin reel ii.