International Monetary Fund (IMF) palai te le Kawlram acozah in Kawlrama tangka thleng thula ah siik tlang tuh ai per tlang tuh hang ii.
IMF ai Monetary le Capital Market Department ai upa Ake Lonnberg heh tun nai ah zarh 2 song Kawlram tlawn hnua ah he thu suak ii. He te heh Ocotber 19 – November 1 tian tawkdun ii.
Laivum dinhmun bang in Kawlram tangka le ramdang tangka thleng thula ah fumfe tuh daan te zir tlang ii.
IMF te thawn lungkhimhnak laai ah Article 8hnak ah IMF in ramdang tangka thleng thula ah rolh tuhin lungkhim ai tangka thula ah daan bawn sah tuh lo in le tangka tam ngai hmang thula ah rolh tuh lo in lungkhim tiin New Light of Myanmar in phuang ii.
He tawkdunhnak ai lungkhim tlanghnak ah 2012 kum pan dung ah tawkdun leh tuh in lungkhim ti ii.
IMF hmunpui heh Washington khawpui ah ii le ram 187 telhnak ii. IMF in a member te ca sumpai dinhmun kho tuhin le sumpai kilkhawldaan thiam tuhin bawm ai naper te bawn sah ai sumpaihnak lam khangsohnak le mi harsa dinhmun khaisanghnak bawn de ii.
1952 kum ah Kawlram heh IMF ah tel napui tun ah sumpai thawn Kawlram bawm tuh hnak te com ii.
The Network Myanmar pawlkom in tun ah Kawlram in official in sumpai a naihnak heh US$ 5.5 billion dung i tuh ti ii. Rampua ai naihnak laiba heh US$ 8.6 billion dung i tuh ti ii.
1977 kum pah acozah daan ah tangka thleng heh US$1 heh Kyat 8.50 ii ai tun ai dinhmun bang i lekhaw US$1 = Ks.5.50 dung i tuh ii. Inapui sumpua ai tun teng ah Kawlram tangka thleng heh US$1 = Ks. 750 dung ii.