10th November 2011
Iran in nuclear ralthuam bawn tete maan Israel in ralkap thawn Christmas dung ah kaap tuh tiin intelligence chief in ralringhnak zo ii.
President Mahmoud Ahmadinejad in Iran in Nuclear a bawnhnak com tuh lo thu phuang beet ii.
UN ai report ah Iran in roh ze in nuclear buaipui maan Islamic ram te in khai poi ti lo hnak vum ah lungkhim lo thu tel zo ii tiin UK ai Foreign Sec William Hague in reel ii.
International Atomic Energy Agency in a tawkhnak ah Iran in nuclear hmangcuulhnak tuh thilri te, nuclear puakruaihnak te le nuclear daaihnakhnak tuh computer te khai raltho lekhaw hmang thil sek tuhin ralring zo thu phuang zo ii.
Thu lingtu te in UK acozah ai hotu lam in Israel in Iran heh nuclear thula maan US bawmhnak thawn kaap tuh tiin reel hang ii.
Ciamaan Christmas dung ah Israel in ralkap le ralthuam thawn Iran vum ah cangvai thai dinhmun ah umh ii. Cen, UK ai official lam in Obama in khai hmai kum ah Presidential Election umh tuh maan US in Israel bawm kuul dinhmun khai ii tiin reel ii.
UK khai Iran in nuclear bawnhnak thula ah aang ve lo ai UK ai Ministry of Defence lam ai thusuak in Israel bawm tuh thu umh zo ii. Inapui le Iran leek i lo ai a hiang ai Saudi Arabia le Turkey ram te in ralthuam bawn ve maan ruat kul hnak tam ngai umh ti ii.
[portfolio_slideshow]