Jan 31, 2011
Zuk ai minung hmai zuk heh Siangpahrang Tutankhamun ai hmel, sui thawn bawnhnak i. He zuk heh Egypt ram ai Cairo khua ai thilhlun dahhmun ai i. 2009 kum Oct ah zukhnak i.
Egypt ram song ah mipui le acozah karlak buaihnak maanin mipui te in Cairo khua ai thilhlun dahhmun ah lut ai, Tutenkhamun ai thilri te khai hnawm ngah i.
He thula maanin mi 50 pom tuar i.Mi 1,000 dung heh Cairo ai thilhlun dahhmun innpui ah lut ai thilri poimawh ngaingai hnawm ruai thu Zahi Hawass, secretary general of the Supreme Council of Antiquities in reel i. Mipui te in thilhlun dahhmun ah lut napui khaw sui le thilri mankhung te tawk ngah lo ti i.
Tutankhamun heh pasal naupang neu i awng ai, 1333 – 1324 B.C kum tian Egypt ram ah siangpahrang i awng i. A ruang dahhmun hlan le kuang heh English mi Howard Carter le George Herbert te in 1922 kum ah Egypt ram ai tunhlan siangpahrang te um awnghnak ram ah co suak ngah awng i. He naupang siangpahrang heh a kum 18 ah Malaria uur maanin thi i.
Web Admin